Silvan Wagner: Die Seite wurde neu angelegt: „==Signatur== Wien, Österreichische Nationalbibliothek: Cod. 13711, 21r-28r ==TranskriptionTranskriptionsrichtlinien: Abkürzungen werden in () aufgelö…“

2022-04-21T19:38:12Z

Die Seite wurde neu angelegt: „==Signatur== Wien, Österreichische Nationalbibliothek: Cod. 13711, 21r-28r ==Transkription<ref>Transkriptionsrichtlinien: Abkürzungen werden in () aufgelö…“

Neue Seite

==Signatur==
Wien, Österreichische Nationalbibliothek: Cod. 13711, 21r-28r

==Transkription<ref>Transkriptionsrichtlinien: Abkürzungen werden in () aufgelöst; Nachträge werden gekennzeichnet (\von unten/, /von oben\, |von der Seite|); moderne Unterscheidung von u, v, w; Moderne Unterscheidung von i, j; Vereinheitlichung unterschiedlicher s-Formen zu s, Beibehaltung von ß; grundsätzliche Kleinschreibung, Großschreibung nur bei Versmarkierung beibehalten (und ggf. vereinheitlicht); Weglassen von Interpunktion; ggf. Einfügen von Zeilenumbrüchen bei Versgrenzen; ӱ → y; ë → e.</ref>==

[21r] 
Wein grüs pier grüs und met grüs

[21v]

[22r]
Grüs dich got du lieber rebenknecht 
Du pist mir winter und sum(m)er gerecht 
Wann du machst munich und pfaffen geil 
Das sie offt ziehen am narrensail 
Du tröst die paurn in den wirrcken kittel 
Du tröst die krancken in dem spitel 
Du tröst die lamen und die plinden 
Wenn sie dich neür veil konnen vinden 
Du tröst auch all kindelpetterin 
Es sey dan(n) das in gelts zü ryn 
Du tröst all pilgram auf walwegen 
Und hilffst in hin in wind und in regen 
Du tröst die nünen(n) in den clausen 
Darumb wil ich dich gern behausen 
Wan(n) du pist mir ein lieber gast 
Manicher hat weder rü noch rast 
Alslang pis er kombt zü dir 
Nu grüs dich got gee her zü mir 
Wan(n) all mein traurn weicht von mir ab

[22v] 
Wenn ich dein ein maß in ein(er) viertelkante(l) hab

Das gesegnen 
Nu gesegen dich got du liebe rebenprü 
Umb dich hab ich groß arbeit und mü 
Pis ich dich wider zü mir breng 
Du pist mir gar ein süß gespreng 
Doch wer zu lang bey dir will har(r)en 
Den zelen die weisen für ein narren 
Wer dein zü vil auff sich ledt 
Der hat sein synn wol hab verzedt 
Wer dich nit hübschlich trincken kan 
Der kreigiert auff den narren pan 
Wer dein zü vil an die orn henckt 
Der hat sein weißheit auß geschenckt 
Der ding will ich keins an dir scheüen 
Und will all tag dein lob verneuen 
Got mach selig all man(n) und frauen 
Die dich an hohen pergen her hauen

[23r]
Das in nym(m)er laid geschech 
Varhin und halt dich in der nech 
Wan(n) ich dich all tag wider will süchen 
Und solt mir weib und kind darumb flüchen

Der ander weingrüs 
Got grüs dich du süsser himeltau 
Gee her und feücht mir meins herczen au 
Mit deinem gesunten heilsamen risel 
Ich leg dir dar mein schancz mein trisel 
Und alles das mein syn erschleicht 
Du machst das manich(er) langksam reycht 
Noch ee er dein wellt lang entpern 
Er würd ee schrein und trühen lern 
Sein lieb hellt er als stett 
Das er ler macht sein kandel pret 
Nu secz ich ye auch in dich mein trauen 
Und solt ich nym(er) kein stainhäus pauen 
Noch will ich mich nit von dir scheiden

[23v] 
Auch kan dich nyemant mich der laiden 
Das ich ein cleine veindtschafft zü dir hab 
fleüß herein und lesch mir mein dur(r)e leb(er) ab

Das gesegnen 
Gesegen dich got du edels abkülen 
Die meister auf den hohen stülen 
Die haben dich für ein gesunte erczney 
Und v(er)main auch aller paurn kirbey 
Wer gar v(er)nicht wann du nit werst 
Wiewol du in den seckel lerst 
Und machst das sie lernen schirmen 
Und selber aneinander firmen 
Und auch ir har mit pencken strelen 
Wenn sie der grossen trünck nit felen 
Wan(n) man vindt manigen groben dorfma(n) 
Der dich nit hübschlich trincken kan 
Wan(n) sein ploß vol ist desselben strüczel 
So fast er dannoch noch ein maß in züczel 

[24r] 
Wer für dich pit an perg und an leyten 
Die wöll got an iren leczten zeiten 
mit erbarmu(n)g und mit gnaden laben 
Und all die dich als gern getruncken haben 
All die do loben deinen namen 
Wer dich gern trinck(t) der sprech amen

Ein ander weingrüs 
Grüs dich got du lieber neczen güm(m)en 
Warumb willt du nit offt zü mir kum(m)en 
Wer hat mich neür verlogen gen dir 
Doch kombstu manigem all zü schir 
Und machst das im sein zungen hinckt 
Wenn er zü offt für sein gesellen trinckt 
Und machst das maniger mit red ansteßt 
Wenn er dich zü lang am münd leßt 
Und machst das maniger sein haubt ser clagt 
Wenn er die trünck zü groß hat gemacht 
So machstü das manigem sein weib ser flüch<t>

[24v] 
So er dich zü offt im weinhaus sücht 
So machstu das weib und kind offt prüm(m)en 
Wenn ein(er) bey zeit nit von dir will kum(m)en 
Und heimhin geet bey monnes schein 
Doch ist die schuld nit eytels dein 
Das maniger heimhin kombt so spet 
Der würffel die karten und das spilbret 
Die machen das manig(er) zü lang har(r)t 
Darumb in weib und kind an plar(r)t 
Der will ich dir alles keins zü sachen 
Wenn du mich frölich kanst machen 
Mit deinem süssen senfften trab 
Darumb ich freüntschafft zü dir hab 
Auß eim krüg wer mir dein lieber ein tropff 
Dan(n) ein eym(er) wassers auß eim güld(en) kopff

Das gesegnen 
Nu gesegen dich got du crefftige labu(n)g 
Du wolzeltende sanfft trabung

[25r]
Du süsses mayenpad mein(er) zungen 
Du frischt mir die lebern und feüchst die lungen 
Als wenn es auff dür(r)en acker taut 
Wenn man dich in einem gleßlein schaut 
So kan man deins herren frümkeyt schetzen 
Ob er dich gefelscht hab mit seinem fetzen 
Das er mit dir treybt uber jar 
Mit milch und auch mit ayer clar 
Mit stain saltz und auch mit schweinein schwarten 
Damit dein der kelerknecht müß warten 
Mit senff mit waidäschen und auch mit tropfwür<tz> 
Davon dein adel offt nymbt unterstürtz 
Der zol hat dich ubel geschmaltzen 
So hat dich das ungelt gar versaltzen 
Das entpfinden die armen in der taschen 
Wenn man dir den spunt sol waschen 
So müsen zweintzig maß wassers zü lauffen 
Wer das für wein will verkauffen 
Der will sein nechsten als treülich zalen

[25v] 
Als der ein güt mel auß kükot wil malen

Hienach so volget der pir grüs 
Cervisa 
Grüs dich got du liebes pir 
Gee her und lesch mir den türst schir 
Und mach mich nit zü schanden vor den leüte(n) 
Und behüt mich vor der schnellen geütten 
Wan(n) dein nam der heist der rümpel in plose(n) 
Von dir so wachssen solche rosen 
Die man nit mit henden ab thüt prechen 
Daran die seü untern zeün zechen 
Wan(n) ich dort in eim winckel knoch 
So heist dein nam der praczel im loch 
Wann man dich in einem kessel geseütt 
So heist dein nam auch pfladergeütt 
Und pist ein ungesunter schwais 
Und wer von dir will lassen ein schais 
Der müß gar seüberlich herfür lan schleichen

[26r] 
Das icht heff mit werd streichen

Das gesegnen 
Nu gesegen dich got du liebe gerstenprü 
Mach mir des nachts im pedt kein mü 
Wenn ich bey mein(er) frauen rü 
Das mir das unter loch bleib zü 
Das es nit pratzel und uberlauff 
Als wan(n) man ein ganß beym ars berauff 
Und mach mir kein gerümpel im pauch 
pis das ich hinter das haus gehauch 
So gee dan(n) seüberlich von mir unden 
Und laß mich als du mich hast fünden 
Und eyl nit unten auß zü schnell 
Das mir kein senff in der prüch aufquell

Hienach so volget der met grüs 
medo

Grüs dich got du süß geschleck

[26v] 
Du jagst mir manigen dürst hinweck 
So ich dich auß dem kütrolff schlauch 
So fülstü mir bed augen und pauch 
Wann ich dich hart vom(m) mund mag bring(en) 
Pis mir die zeher die packen abdringen 
Du machst das manich(er) sein fasten pricht 
So in der hunger zů frü an vicht 
Und in ein zutzel anmacht bestat 
So er dann dich und ein semel hat 
Und drinckts in dich und ist das naß 
So dünckt in dan(n) er faßt dester paß 
Du pist der juden besunder getranck 
Du machst den paurn ir zen so lanck 
Das sie gar selten heim kom(m)en 
Sie haben dann dein vor zü in genom(m)en 
Ob dein der paur vergessen wolt 
So sein die die peürin wol so holt 
Das sie sich ee zü dir verstelen 
Das sie dein(e) süssen züg nit velen

[27r] 
Jung und alt lerstü nach dir fragen 
Und lerst die kind heimlich abtragen 
Und lerst sie kappen und gürtel versetzen 
Das sie ir kel neür in dir netzen 
Des liebstü mir vil dester pas 
Wer möcht dir veindt sein oder gehas 
So du so lieplich schmeckst nach würtzen 
Darumb ich dich gantz umb möcht stürtzen

Das gesegnen 
Nu gesegen dich got du lieber met 
Und ob ich mich dein schon gern abthet 
Und trünck ein saurs pir für dich 
So streichen dein züg so süßlich 
Und sein dein trünck so senfft und milt 
Das mich dein(er) zü flüß nit befilt 
Wiewol du mir lerst peütel und taschen 
So will ich mein zung lieber in dir waschen 
Dann aus ein(er) venedigen saiffen

[27v] 
Und werstü gepunden mit eyserin rayffen 
Noch möcht ich dein gar hart entpern 
Und solstü mir halt dester neher schern 
Wiewol du mir den pauch zü plehst 
Und oben durch den hals ein krehst 
Und mir zum hintern außhin pfeüffst 
Und auch zü tieff in seckel greüfft 
Und mir auch in mein hirn reüchst 
Und mir ein fel für die augen zeüchst 
Und mir mein züngen machst dallen 
Und mich mit halbem mund machst ralle<n(n)> 
Und mir machst schlöttern pain und waden 
Wenn ich dein zü vil hab geladen 
Und mich des morgens machst v(er)schlaffe(n) 
Noch kan und mag ich dich nit straffen 
Wann du pist gantz nach dein(er) art 
Wann ich dir nye tag veindt wart 
Und mechstü mich noch eins so zü treg 
So ich halt bey meinem weib leg

[28r] 
Und dein ein güt genügen hat 
Nu gesegen dich got mein lieber met 
Und kom her wider wenn ich dein beger 
Oder wenn ich kom(m) zü dir docher 
So hilff mir mein türst vertreiben 
So will ich dich für ein gesunte ertzney schreibe<n(n)>

==Anmerkungen==
<references />

Weingrüße Cod. 13711 - Versionsgeschichte

Silvan Wagner: Die Seite wurde neu angelegt: „==Signatur== Wien, Österreichische Nationalbibliothek: Cod. 13711, 21r-28r ==TranskriptionTranskriptionsrichtlinien: Abkürzungen werden in () aufgelö…“