Silvan Wagner: Die Seite wurde neu angelegt: „== Zitation == Weimar, Herzogin Anna Amalia Bibliothek: Cod. Oct. 145, 100v-105r, 199v-208r ==TranskriptionTranskriptionsrichtlinien: Abkürzungen werd…“

2022-04-22T22:36:35Z

Die Seite wurde neu angelegt: „== Zitation == Weimar, Herzogin Anna Amalia Bibliothek: Cod. Oct. 145, 100v-105r, 199v-208r ==Transkription<ref>Transkriptionsrichtlinien: Abkürzungen werd…“

Neue Seite

== Zitation ==

Weimar, Herzogin Anna Amalia Bibliothek: Cod. Oct. 145, 100v-105r, 199v-208r

==Transkription<ref>Transkriptionsrichtlinien: Abkürzungen werden in () aufgelöst; Nachträge werden gekennzeichnet (\von unten/, /von oben\, |von der Seite|); moderne Unterscheidung von u, v, w; Moderne Unterscheidung von i, j; Vereinheitlichung unterschiedlicher s-Formen zu s, Beibehaltung von ß; grundsätzliche Kleinschreibung, Großschreibung nur bei Versmarkierung beibehalten (und ggf. vereinheitlicht); Weglassen von Interpunktion; ggf. Einfügen von Zeilenumbrüchen bei Versgrenzen; ӱ → y; ë → e.</ref>==

=== Teil A ===
[100v] 
 hie hent sich an die sprich von dem wein und sendt der siben der erst spruch 
nu(n) grüß dich got du edler rebe(n) knecht 
du bist mir sumer und winder grecht 
du machest munch un(d) pfaffe(n) gail 
daz sie oft zieche(n) an der naren sail 
du tröst die paure(n) in zwilche(n) kittel 
du tröst die krancke(n) in dem spittel 
du tröst die kindpetterin 
es sey den daz in geltz zerinn 
du tröst die nunen in de(n) claussen 
dar umb wil ich dich behaussen 
und bist mir gar ain lieber gast 
maniger hatt weder rů noch rast 
so lang biß dz er kumpt zu dir 
nu(n) grüß gott gang her zu mir

[101r] 
wen als mein traure weicht vo(n) mir ab 
wen ich dein ain gutte notturft bey mir hab

der ander spruch von dem wein 
nu(n) gesegne dich got du edler rebeplut 
um(b) dich han ich groß arpait un(d) mutt 
so lang biß ich dich zu mir pring 
du bist mir gar ain suß gespring 
doch wer zu lang bey dir wil haren 
den schatze(n) den die waisen für ain nare(n) 
wer dein zu vil an oren henckt 
der hatt sein weißhait pald uf gschenckt 
wer den hofflich drincken kan 
der kriegt auff der naren pan 
der ding der wolt ich kaines nit \schüen/ 
ich wil allzeit dein lob ernüye(n) 
gott mach sällig all mann un(d) frauen

[101v] 
die dich an hochen pergen paue(n) 
den selben nymer laid beschech 
far hin und halt dich in der nech 
ich will dich ab gott wol pald wider umb sůchen 
und solt mir weib und kind darumb flůchen

der dritt spruch von dem wein 
nu(n) grüß dich gott du edeles dranck 
frist mir mein lebe(n) daz kranck 
mit deine(n) hailsame(n) gesunde(n) tropfe(n) 
kanstu mir als mein traure(n) verstopf<en> 
sällig sey der hacker der dich hatt sen \gehackt/ 
sällig sey der dich in ain kupel 
sällig sey der dich in aine(n) kupellet 
sällig sey der dich auf ain drute(n) drät 
sällig sey der pinder un(d) die hand

[102r] 
die dich mit raiffen zamen pand 
und dir machet ain hülczi hauß 
sällig sey der dich rüffet auß 
sällig sey der wirt der schencken hatt erdacht 
sällig sey der pott der dich hat pracht 
sällig sey der dich ein hat geschenckt 
sällige sey der ain sulliches endenckt 
und dz man die maß nit sol machen \clain/ 
nu(n) behütt dich gott vor de(m) hagel \stain/ 
und vor dez kalte(n) reiffe(s) stain 
du bist meines herczen ain pain 
nach mir send alle die sallig sein 
die do geren drincken wein 
so wöl ich der erst sein ders anfacht 
und will ain dru(n)ck sein recht

[102v] 
der fiert spruch von de(m) wein 
nu(n) grüß dich gott du edelu leibsalb 
du ernerest mich auch allenthalb 
mit deinen hailsamen sopel 
der kaisser von constandinopel 
und der groß kam vo(n) katten 
und priester johannes reicheste(n) 
und kunig soldan der fiert 
die mit aller irer ziert 
mochtend dir dein adel nit vergelte(n) 
ach war nu(n) wolt den ich dich \selten/ 
kain hochzeit ward nye so groß 
komstu nit dar so wird sie ploß 
auff reden und auff rechtlichait 
sällig sey der stock der dich drait 
ma(n) set vo(n) külle(n) prune(n) vo(n) de(m) maye(n)

[103r] 
darüber man und fraue(n) rayen 
kempstu nit dar in volle flaschen 
so schlecht der tampff gar in die \daschen/ 
nu(n) wer der pabst zu tisch gseße(n) 
und solt der kaisser mit im essen 
und hettens vor an dreissig richt 
denest so wer es als für nichcz 
wen du nit gegen wirdig werst 
und wa du meiner hilff begerst 
so sulle(n) dir alle meinen gelider 
nu(n) grüß dich gott kum schier her wider 
wan alles mein trau/r\re(n) weicht vo(n) mir ab 
wen ich dein ain notturft hab

der funft spruch vo(n) dem wein 
nu(n) grüß dich gott du edler drunck 
ich waz dir hold weil ich waz junck

[103v] 
so will ich im alter nit von dir weiche(n) 
ich wil dir tag und nacht nach schleiche(n) 
wan wa du bist do pin ich geren 
ich kan woll kraußlen un(d) becher lören 
und kan wol schleiche(n) auß dem glaß 
daz lernet ich weil ich jung waz 
mich du(n)ckt ich die auch im alter recht 
we(n) allmein fruind hand dich nye ver\schmeht/ 
du zuichst si an dich als der ma(n)gnat 
maniger zu mittag zu dir gatt 
der kumpt kam vo(n) dir biß mitnacht 
daz haben all dein süß züg gemacht 
und wurfest huit 10 in dz kat nyder 
morgen kumes alher wider 
un(d) suchent <s>plu</s> pillich fruindschaftder 
als ob du werest ir leiplich pruder

[104r] 
all juden und heiden puttent 
daz gott den stock woll behutten 
und die reben daran du hangst 
o wie lieplich du do vor mir prangst 
sich wie mocht ich dir daz versagen 
ich můst dich giessen in meine(n) kragen(n)

der sechst spruch vo(n) dem wein 
nu(n) gesegne dich gott du edels apheben 
die maister auff de(n) hochen stiellen 
hand dich für gar ain gesund artzney 
ich main daz aller pauren kerey 
vernichtten wer wan du nit werst 
wie wol du in die leckel lärest 
und lerst sie also hofflich schirmen 
und daz sie selber ain ander firmen 
und ir har mit pencke(n) strellen

[104v] 
wen sie der grossen drinck nit fele(n) 
man find mange(n) groben <s>ma</s> man 
der dich nit hofflich drincke kan 
wen sein flesch vol ist biß an stritzel 
den hett vast er wol ain waz in \zitzel/ 
und auch an leitten 
<s>mit genade(n) un(d) mit</s> 
den wil gott an sein lesten zeitte(n) 
mit genade(n) un(d) mit pirnu(n)g laden 
all die dich geren druncken habe(n) 
daz sie kain ander stock namen 
wer geren drinck der selb sprech amen

der sibent spruch von dem wein 
send hin edler her fein 

[105r] 
nempt zu euch den lieben wein 
und versuchent in auß dem glaß 
ob er als gůtt sey als er vor waz 
wen er hatt mich lernen <s>h</s>\l/allen 
ich maint es solt yederman gefallen 
als wolt als mir gefelt 
wie wol man mirs zu torhait zelt 
denest so mag ich es nit gelassen 
nu gesegnen dich gott 
far hinn dein strassen 
wen man nu(n) vil wein her precht 
und kaines pfennig nymer decht 
so fund man auch mangen man 
er fieng dester ee ain zech an 
un(d) wurd bey im hare(n) frů und spat 
wil er im nichcz in dem seckel dätt

===Teil B===

[199v] 
Ain spruch von dem wein 
nun grüss dich got du lieb(er) lanczman 
kain bessern gesellen ich nye gewan 
und den ich lieb(er) wöll bey mir wissen 
wen ich des morgens han an gebissen 
und ich dich han in ainem glaß 
so dienstu mir zů tisch vil baß 
den all trucksessen die da leben 
got behiet den stoch und auch die reben 
da von du hiur gewachssen pist 
got füg dir stecken band und mist 
sunnen rege(n) und auch ain man 
der dich wol schneide(n) und haue(n) kan 
das du bis jar mugst wid(er) gerate(n) 
die grossen wegk und vaiste prate(n) 
wan ir all dreu bey ain and(er) seit 
so kumpt ir mir vil bas die zeit

[200r] 
dan harpfen geigen dancze(n) und baden 
dar umb wil ich dich zů gaste laden 
kum spat od(er) frü du wirt ein gelassen 
nit lang an dem tor soltu bassen

das ist abschaiden 
nun gesegen dich got du liebster gesell 
mit recht(er) lieb ich nach dir stell 
bis das wir wid(er) zů samen kůmen 
dein nam der haist der kützel am gůmen 
du pist mein(er) zunge(n) ain süsse naschung 
und mein(er) keln ain raine waschung 
und pist meine(m) herze(n) ain edels zů fliesse(n) 
und all(en) mein(en) glid(ern) ain hailsams begiessen 
du smeckst mir bas dan(n) all prunnen 
die aus den felsse(n) ye sind gerunnen 
wen(n) ich kain dutten nye gern(e) sag 
behüt mich got vor sant urbans plag

[200v] 
und beschirm mich auch wol vor strauche(n) 
wen ich die stieg sol abhin tauchen 
das ich auf meine(n) füsse(n) pleib 
und frelich haim ge zů meine(m) weib 
und alles das wiss des sy mich frag 
nun behut(e) mich got vor niderlag 
du seyest hie haim oder daussen 
gesege(n) dich got pleib nit lang außen

vom wein 
nun grüss dich got du süss himel tau 
ge her feücht mir meins hertze(ns) au 
mit deine(m) gesunde(n) hailsame(n) rissel 
ich leg dir dar mein schacz und mein drisel 
und alles das mein sin erschleicht 
du machst dz mang(er) lancksam reicht 
doch ee ich dein wol lang enperen 
ich wurd ee schrein und truche(n) leren

[201r] 
mein lieb halt ich an dir als stet 
dz du machst ler mein kantte(l) bret 
nun setz ich in dich mein getrauen 
und solt ich halt nym(er) kain haus auf pauen 
noch wil ich mich nit von dir schaiden 
mir mag dich nyemancz mer erlaiden 
das ich ain veintschaft zů dir hab 
flüss her kül mir mein leber ab

ab schaiden 
Nun gesege(n) dich got du liebe reben prü 
umb dich so hab ich gros arbait \un(d)/ mü<s>?</s> 
bis dz ich dich wid(er) zů mir bring 
du pist mir gar ain süss gespring 
doch wer zelang wil bey dir harren 
den zellent die weysse(n) für ain narren 
wer dan dem zů vil auf sich let 
der hat sein sinn wol halb verzet 
wer dich nit hüpschlich trincke(n) kan 
der torglot auf der narren ban

[201v] 
wer dein zů vil an die oren henckt 
der hat sein weisshait aus geschenckt 
der stuck ich kains an dir wil schüche(n) 
und wil altag dein lob ernüen 
got mach sellig alle man und fraue(n) 
die dich an den hoche(n) berge(n) her haue(n) 
und das in nym(er) laid geschech 
var hin und halt dich in der naͤch 
wan(n) ich dich altag wil wid(er) sůchen 
und solt mir weib un(d) kind dar um(b) flůche(n)

vom wein 
nun grüss dich got du gesunde arczney 
wa du rast da ist grosse kirckwey 
gnad und ablas all(er) gelertte(n) und layen 
zů dir so wil ich walle(n) und rayen 
mit mane(n) fraue(n) und den knaben 
und grosse(n) glaube(n) an dich haben

[202r] 
dan(n) an alle syroppel und recept 
da mit man die krancke(n) flickt und stept 
du wescht mir die zen und badst mir die zunge(n) 
frist mir die leb(er) und senfft mir die lunge(n) 
du labst mirs hercz und fülst mir plassen 
nyemant dein kraft kan auf gelassen 
du lembst die starcke(n) und felst die schnelle(n) 
und lernest ain sprauch die haist die kelle(n) 
und machst die weissen zů fantasten 
noch wil ich weder rů noch rasten 
ich wil dir dür und tor auf schließen 
und wil dich in mein esich vass giessen 
wan(n) es kumpt mir zů grosse(n) statte(n) 
nu(n) schücht eůch ab liebe(n) zen ir müst ab(er) watte(n)

ab schaiden 
Nun gesege(n) dich got du lieb(er) hailland 
noe dich am ersten vand 

[202v] 
und dunget dich mit vierlay mist 
da von du noch so kreftig pist 
von schaffe(n) affen leon und schwein 
die vier kraft lastu noch erschein 
an mane(n) fraue(n) laye(n) und pfaffen 
die machstu noch zů narre(n) und affen 
wer dein zů vil geladen hat 
denn legstu zů dem swein ins kot 
so machst mange(n) so v(er)heit 
das er zeche(n) kriegs gnůg geit 
und machst auch mange(n) wid(er) zam 
als seye(n) im alle glider lam 
die vier kreft vint man an mane(n) un(d) \weibe(n)/ 
die kan kain arczt als wol v(er)treibe(n) 
als ain krůg mit frische(n) prunne(n) 
so sy des kellers geschoss habe(n) gewune(n)

[203r] 
aber vom wein 
Nu(n) grüss dich got du lieb(er) netze(n) gůmen 
sy war umb wiltu nit oft zů mir komen 
wer hat mich nur v(er)logen gen dir 
doch kumpstu mange(n) vil zů schir 
und machst dz im sein zünglin hinckt 
wen er zů oft für sein geselle(n) trinckt 
und machst dz mang(er) mit der red anstoͤst 
wen er dich zů lang an dem mund last 
und machst dz mang(er) sein hapt ser clagt 
wen er die trinck ze gros hat gemacht 
du machst dz mang(er) seine(m) weib ser flůcht 
wen er dich zů oft im wein hauss sůcht 
so machstu dz weib und kind oft prumen 
wen er nit bey zeit von dir wil kumen 
und haim gat bey des mones schein 
doch ist die schuld nit alle dein

[203v] 
da mang(er) haim gat also spaͤt 
die würffel kartte(n) und dz spilpret 
die mache(n) dz mang(er) oft zů lang hart 
dar umb in weib und kind an plart 
der wil ich dir als kains zesaur mache(n) 
wen ich frölich bin und machst mich lache(n) 
mit deine(m) süsse(n) sa(n)ften trab 
dar umb ich fruntschaft zů dir hab 
wen auss ainem krůg wer mir dein vil lieber ain süsser tropff 
den ain aimre(er) wassers aus ainem guldin kopff

ab schaiden 
Nu gesege(n) dich got du krefticliche labu(n)g 
du wol zeltunde und sonfte trabung 
du süsses maye(n) plat mein(er) zungen 
du frist mir die leb(er) und fuchst mir \die lunge/

[204r] 
als wen es auf ain frischen ack(er) tauet 
wen man dich in aine(m) glaͤsslin schauet 
so kan man deins her(r)en frümkait schaͤcze(n) 
ob er dich gefelscht hab mit seine(m) feczen 
das er mit dir treibt über jar 
mit milch und auch mit ayr clar 
mit stain salcz und mit schweiny swartte(n) 
damit d(er) kell(er) knecht dein můss wartten 
mit senff waidasche(n) und mit tropfwurcz 
dar umb dein adel nympt und(er)sturcz 
der zol hat dich gar wol gesmalcze(n) 
so hat dich dz ungelt gar v(er)salczen 
das enpfinde(n) die arme(n) in der taschen 
wen man den(n) den spund sol waschen 
so můs des wassers vil mit lauffen 
der dz für wein den wil v(er)kauffen

[204v] 
der wil sein naͤchste(n) als treulich bezallen 
als ain(er) der mel aus meüss treck wil male(n)

von dem wein 
Nu(n) grüss dich got du lieber wein 
smuck dich und ge seüb(er)lich her ein 
ich kan dir doch nit veind gesein 
wie wol du mich pringst umb dz mein 
du pist der mein gůt erbt 
du pist der der meine kind v(er)derbt 
du pist der d(er) mir mein tasche(n) kan lere(n) 
noch den(n)ocht wil ich dein nit enpere(n) 
o du hailige ab waschu(n)g all(er) mein(er) claid(er) 
den(n)ocht pistu mir nichtz dest(o) laider 
und hetestu mir mein vat(er) erslage(n) 
noch wil ich dich secze(n) an mein krage(n) 
und dich seüb(er)lich her ein lan fliesse(n) 
wan(n) du kanst mir mein lunge(n) begiesse(n)

[205r] 
und kanst mir mein leb(er) küllen 
und kanst mir mein rache(n) spüllen 
und kanst mit rieche(n) in mein hirn 
und kanst mir mein haupt also reigiern 
das ich vil nach schöne(n) fraue(n) jag 
vil mer dan ich sein und(er) d(em) gürtel v(er)mag 
dar umb pistu der liebst frund mein 
wer nit von fraue(n) und von wein 
ain güten müt mag han 
den wöl wir bis suntag tůn in ban 
und wölle(n) in an der kanczel v(er)künde(n) 
und wölle(n) ims har im ars anzünden

von abschaiden 
Nu(n) gesege(n) dich got du lieb(er) rebe(n) saft 
du hast mir geben gar güte kraft 
du machst mich das ich mich weisser und stercker bey dir dunck 
den mein(er) neün so ich wass(er) trunck

[205v] 
du machst dz ich vil frelich(er) gepar 
den sech ich mein vat(er) lige(n) auf der par 
und machst dz ich mit schöne(n) fra(u)e(n) wil \schercze(n) /
so es mir auch nyend(er)t ist im h(er)cze(n) 
du machst dz ich mit zeche(n) fechte 
der ich ain nit zwung mit all(en) mein(en) machte 
du machst mich oft also zü aim stume(n) 
dz vor mein nyema(n)t hin zü mag kome(n) 
wan(n) ich supff dich lieb(er) in mein hapt 
dan ain kessprü da ain kranck(er) an gelapt 
und bad auch lieb(er) mein zunge(n) aus dir 
dan aus ain(er) güte(n) wage(n) schmir 
und wil lieb(er) mein zen in dir necze(n) 
dan(n) solt mir ain alcz weib iren hindern dar an seczen 
dar umb so liebstu mir ye leng(er) ye bas 
ich sprich wer dir sey veind od(er) gehaß 
den wöl wir für ain narre(n) v(er)sage(n) 
und wölle(n) in aus dem land jagen

[206r] 
Nu(n) gesege(n) dich got du all(er) liebst(er) trost 
du hast mich von grosse(n) durst erlost 
du machst mir meine geli(er) keck 
und jagst mir all mein sorg hin weck 
du machst mange(n) petler frelich 
der al nacht leit auf plosse(n) strelich 
dancze(n) machstu münch und nunnen 
dz sy nit teten wen sy truncke(n) prunnen 
du machst mange(n) hantwecks man 
dz er in zerrisse(n) claid(er) müs gan 
dz in sein zen mer koste(n) zebade(n) 
dan dz haupt hend füss und wade(n) 
die alte(n) paure(n) in den dorffen 
die hastu oft ins kot geworffen 
wen sy sich nestlen an die weinreben 
das sy dir als vor got vergeben 
ich gepüt dir halt bey päbstliche(n) pane 
du seyest bey fraue(n) oder bey mane 
so kum her wid(er) bey rechten zeiten 
dz ich mein zen in die schwem müg reite(n)

[206v] 
von dem met 
Nu(n) grüß dich got du süss gesleckt 
du jagst mir mange(n) dunst hin weckt 
so ich dich aus dem gutrolf slauch 
so fülstu mir die augen und bauch 
wen ich dich hart vom mund mag pringe(n) 
bis mir die zech(ern) ub(er) die wang abrinen 
du machst ds mang(er) sein vaste(n) pricht 
so in der hung(er) ze frů an ficht 
und in ain z\l/ützel andacht bestat 
und er dich und ain semel hat 
und dunckt in dich und yst die nass 
so dunckt in den er vast des bass 
du pist d(er) jude(n) sunders getranck 
und machst den paure(n) die zen so lanck 
dz sy gar selten hin haim tün kome(n) 
sy habe(n) dich dan vor zů in genome(n)

[207r] 
ob dein der paur v(er)gessen wolt 
so sind dir doch die peurin so holt 
das sy sich zü dir ee verstellen 
wen sy dein(er) süsse(n) züg nit fellen 
jung und alt lerstu nach dir fragen 
und lerst die kind haimlich abtragen 
und lerst sy kappe(n) und gürtel v(er)seczen 
dar umb dz sy ir kellen neczen 
des liebstu mir vil dester pass 
wer möcht dir veind sein od(er) gehass 
so du so lieblich smeckst nach wurczen 
dar umb ich dich gancz umb müs sturcze(n)

das abschaiden von dem met 
Nu(n) gesege(n) dich got du liebst(er) met 
ob ich mich dein schon gern ab tet 
und trunck ain sauren(s) bier für dich 
so streiche(n)t dein züg so süssiclich

[207v] 
und sind dein trinck so süss und milt 
das dich nyemant geren schilt 
wie du mir lerst die peütel und tasche(n) 
noch wil ich die zunge(n) lieb(er) in dir wasche(n) 
den aus ain(er) gůte(n) venedische(n) sayffen 
und werest gepunde(n) mit eyssinn rayffen 
noch möcht ich dein gar hart enpere(n) 
und soltu mir halt dest(er) nech(er) scheren 
wie wol du mir den pauch zerplest 
und obe(n) durch den hals ein ke<s>r</s>st 
und mir zum hind(er)n auss hin pfeifst 
und auch zü dick in seckel greifst 
und mir auch in mein hirn reüchst 
und mir ain fel für die auge(n) zeüchst 
und mir mein zunge(n) machst ralle(n) 
und mich mit halbe(m) mund machst kalle(n)

[208r] 
und mir machst slottern bain und wade(n) 
wan ich dein zů vil hab geladen 
und mich des morge(n)s machst v(er)slaffen 
noch kan und mag ich dein nit gestraffen 
wan du tůst gancz nach dein(er) art 
dar umb ich dir nye veind wart 
und machtest mich noch ainest so treg 
so ich bey meine(m) weib halt leg 
und dein ain güt genügen het 
nun gesege(n) dich got du lieb(er) met 
und kum her wid(er) wen ich dein ger 
oder wen ich kum zü dir her 
so hilf mir mein durst v(er)treiben 
so wil ich dich für ain erczney schreiben

==Anmerkungen==
<references />

Weingrüße Cod. Oct 145 - Versionsgeschichte

Silvan Wagner: Die Seite wurde neu angelegt: „== Zitation == Weimar, Herzogin Anna Amalia Bibliothek: Cod. Oct. 145, 100v-105r, 199v-208r ==TranskriptionTranskriptionsrichtlinien: Abkürzungen werd…“