Silvan Wagner: Textersetzung - „Berlin, Staatsbibliothek: Mgq 2370“ durch „[http://resolver.staatsbibliothek-berlin.de/SBB000053A800000000 Berlin, Staatsbibliothek: Mgq 2370]“

2025-01-28T19:57:39Z

Textersetzung - „Berlin, Staatsbibliothek: Mgq 2370“ durch „[http://resolver.staatsbibliothek-berlin.de/SBB000053A800000000 Berlin, Staatsbibliothek: Mgq 2370]“

← Nächstältere Version		Version vom 28. Januar 2025, 19:57 Uhr
Zeile 1:		Zeile 1:
	==Signatur==		==Signatur==
	Berlin, Staatsbibliothek: Mgq 2370, 25v-14v		[http://resolver.staatsbibliothek-berlin.de/SBB000053A800000000 Berlin, Staatsbibliothek: Mgq 2370], 25v-14v

	==Transkription<ref>Transkriptionsrichtlinien: Abkürzungen werden in () aufgelöst; Nachträge werden gekennzeichnet (\von unten/, /von oben\, \|von der Seite\|); moderne Unterscheidung von u, v, w; Moderne Unterscheidung von i, j; Vereinheitlichung unterschiedlicher s-Formen zu s, Beibehaltung von ß; grundsätzliche Kleinschreibung, Großschreibung nur bei Versmarkierung beibehalten (und ggf. vereinheitlicht); Weglassen von Interpunktion; ggf. Einfügen von Zeilenumbrüchen bei Versgrenzen; ӱ → y; ë → e.</ref>==		==Transkription<ref>Transkriptionsrichtlinien: Abkürzungen werden in () aufgelöst; Nachträge werden gekennzeichnet (\von unten/, /von oben\, \|von der Seite\|); moderne Unterscheidung von u, v, w; Moderne Unterscheidung von i, j; Vereinheitlichung unterschiedlicher s-Formen zu s, Beibehaltung von ß; grundsätzliche Kleinschreibung, Großschreibung nur bei Versmarkierung beibehalten (und ggf. vereinheitlicht); Weglassen von Interpunktion; ggf. Einfügen von Zeilenumbrüchen bei Versgrenzen; ӱ → y; ë → e.</ref>==

Silvan Wagner am 16. April 2022 um 15:16 Uhr

2022-04-16T15:16:47Z

← Nächstältere Version		Version vom 16. April 2022, 15:16 Uhr
Zeile 1:		Zeile 1:
	==Signatur==		==Signatur==
	Berlin, Staatsbibliothek: Mgq 2370, ~~26r~~-~~33r~~		Berlin, Staatsbibliothek: Mgq 2370, 25v-14v

	==Transkription<ref>Transkriptionsrichtlinien: Abkürzungen werden in () aufgelöst; Nachträge werden gekennzeichnet (\von unten/, /von oben\, \|von der Seite\|); moderne Unterscheidung von u, v, w; Moderne Unterscheidung von i, j; Vereinheitlichung unterschiedlicher s-Formen zu s, Beibehaltung von ß; grundsätzliche Kleinschreibung, Großschreibung nur bei Versmarkierung beibehalten (und ggf. vereinheitlicht); Weglassen von Interpunktion; ggf. Einfügen von Zeilenumbrüchen bei Versgrenzen; ӱ → y; ë → e.</ref>==		==Transkription<ref>Transkriptionsrichtlinien: Abkürzungen werden in () aufgelöst; Nachträge werden gekennzeichnet (\von unten/, /von oben\, \|von der Seite\|); moderne Unterscheidung von u, v, w; Moderne Unterscheidung von i, j; Vereinheitlichung unterschiedlicher s-Formen zu s, Beibehaltung von ß; grundsätzliche Kleinschreibung, Großschreibung nur bei Versmarkierung beibehalten (und ggf. vereinheitlicht); Weglassen von Interpunktion; ggf. Einfügen von Zeilenumbrüchen bei Versgrenzen; ӱ → y; ë → e.</ref>==

Silvan Wagner: /* TranskriptionTranskriptionsrichtlinien: Abkürzungen werden in () aufgelöst; Nachträge werden gekennzeichnet (\von unten/, /von oben\, |von der Seite|); moderne Unterscheidung von u, v, w; Moderne Unterscheidung von i, j; Vereinheitlichung unterschiedlicher s-Formen zu s, Beibehaltung von ß; grundsätzliche Kleinschreibung, Großschreibung nur bei Versmarkierung beibehalten (und ggf. vereinheitlicht); Weglassen von Interpunktion; ggf. Einfügen von Zeilenumbrüchen bei Versgrenzen; ӱ → y; ë → e.…

2022-04-14T20:15:09Z

/* TranskriptionTranskriptionsrichtlinien: Abkürzungen werden in () aufgelöst; Nachträge werden gekennzeichnet (\von unten/, /von oben\, |von der Seite|); moderne Unterscheidung von u, v, w; Moderne Unterscheidung von i, j; Vereinheitlichung unterschiedlicher s-Formen zu s, Beibehaltung von ß; grundsätzliche Kleinschreibung, Großschreibung nur bei Versmarkierung beibehalten (und ggf. vereinheitlicht); Weglassen von Interpunktion; ggf. Einfügen von Zeilenumbrüchen bei Versgrenzen; ӱ → y; ë → e.…

← Nächstältere Version		Version vom 14. April 2022, 20:15 Uhr
Zeile 401:		Zeile 401:
	Und eil nit und(e)n aüs zu schnel<br />		Und eil nit und(e)n aüs zu schnel<br />
	Das mir kain senft und(er) pruech auf quel<br />		Das mir kain senft und(er) pruech auf quel<br />

			==Anmerkungen==
			<references />

Silvan Wagner: Die Seite wurde neu angelegt: „==Signatur== Berlin, Staatsbibliothek: Mgq 2370, 26r-33r ==TranskriptionTranskriptionsrichtlinien: Abkürzungen werden in () aufgelöst; Nachträge werde…“

2022-04-14T20:12:00Z

Die Seite wurde neu angelegt: „==Signatur== Berlin, Staatsbibliothek: Mgq 2370, 26r-33r ==Transkription<ref>Transkriptionsrichtlinien: Abkürzungen werden in () aufgelöst; Nachträge werde…“

Neue Seite

==Signatur==
Berlin, Staatsbibliothek: Mgq 2370, 26r-33r

==Transkription<ref>Transkriptionsrichtlinien: Abkürzungen werden in () aufgelöst; Nachträge werden gekennzeichnet (\von unten/, /von oben\, |von der Seite|); moderne Unterscheidung von u, v, w; Moderne Unterscheidung von i, j; Vereinheitlichung unterschiedlicher s-Formen zu s, Beibehaltung von ß; grundsätzliche Kleinschreibung, Großschreibung nur bei Versmarkierung beibehalten (und ggf. vereinheitlicht); Weglassen von Interpunktion; ggf. Einfügen von Zeilenumbrüchen bei Versgrenzen; ӱ → y; ë → e.</ref>==

[26r] 
Salutacio vini 
Grueß dich got du edels getranck 
Frisch mir mein lebern wann sy ist kranck 
Mit deine(m) gesunten hailsamen tropf(e)n 
Du kanst mir alles mein traur(e)n v(er)stopf(en) 
Sälig sey der hacker der die hat gehacht 
Sälig sey der leser der die abzwacht 
Und dy in ein kübel leg 
Sälig sey der dich auf die pres tregt 
Sälig sey der puter und die handt 
die dich mit raiffen zu samen pandt 
Und der dir machet ein hulcz(en) hauss 
Sälig sey der dich rueffet aus 
Sälig sey der wirt der schenckh(e)n erdacht 
Sälig sey der pott der dich herr bracht 
Sälig <s>d</s> sey der dich ein hat geschencht 
Unsälig <s>sey</s> der sey der sölichs erdencht 
Das man soll die mass mach(e)n clain 
Nu pehuett dich got vor dem hag(el)stain 
Und for des kalt(en) reyffs frost 
Du gancze labung du halbe kost 
Nun alle die sälig sein 
Die geren trinck(e)n guet(e)n wein 
Den muess got albeg wein beschern 
Und speis da mit sy den leib ernern 
Nun wil ich der erst seyn d(er) anfecht 
Unnd wil ein trunck(es) mich wol tun recht 

[26v] 
Valedicco vini 
Nun geseg(e)n dich gott du edle leibpsalb(e)n 
Du erczeneyst mich allent halben 
Du pist mir garr ein gesund(er) serop(el) 
Der kayser vonn constantinopell 
Und auch der gros cham von kathei 
Und priest(er) johan die mechtigst(e)n drei 
Die mocht(e)n dich doch nit v(er)gelt(e)n 
Sich waru(m)b solt ich dich dan schelt(e)n 
Kain hoczeit wart nie so gross 
Pist du nit dar auf es ist ploss 
An freuden und an frolichkeit 
Gelobt sey der stock d(er) dich da treitt 
Man sagt von kul(e)n pru(n)en im maye(n) 
wan man unnd frauen(n) daru(m)b raye(n) 
kompstu nit mit gross(e)n foll(e)n flasch(en) 
Ir freudt feldt ganncz alle in den asch(e)n 
Und werr de bapst zu tisch gessess(e)n 
Und solt der kaisser mit im essen 
Und hett(e)n vorr in treissig richt 
noch wärr es alls zu mal v(er)nichtt 
Wann du nit geg(e)nwirtig werest 
und wo du mein(er) hilf pegerest 
So muess(e)n dir dienne(n) alle mein gelid(er) 
Nu geseg(e)n dich got und ku(m) schier herr wid(er) 

[27r] 
Salutacio 
Nun grues dich gott lieber wein 
Unnd schmuck die fuess gee herr ein 
Wann ich mag dir nit feindt sein 
Wie wol du mich pringst umb das mein 
Du pist der der das mein erbt 
Und der meine kinder verderbt 
Und pist der der mir mein tasch(e)n und peut(el) tuet st(...)<ref>Das Wort ist am Seitenrand nach wahrscheinlich "st" abgeschnitten. Eigentlich müsste "leeren" kommen.</ref> 
Noch wil ich dein nit entpernn 
Du heylige abwaschung meiner claider 
Noch bistu mir nichts dest(er) layder 
Und hiecz du mir mein vat(er) erschlag(e)nn 
Dennoch wolt ich dich secz(e)n an meine(n) krage(n) 
Und dich herr ein lass(e)n schliess(e)n 
Wann du kanst mir mein lung(en) abgiess(e)n 
Unnd kanst mir mein hercz kul(e)n 
Unnd kanst mir auch mein leber spuell(e)n 
Und kanst mir riech(e)n inn mein gestiern 
Und kanst mein haup rergiern 
Und magst das ich nach frauen(n) jag 
Vill merr dan ich unt(er) den guert(e)l v(er)mag 
Darumb so pistu d(er) liebst freundt mein 
werr nicht von frauen(n) und vo(n) wein 
Ein guet(e)n mudt mag hann 
Den woll(e)n wirr sontag v(er)kund(e)n inden pann 

[27v] 
Valediccio 
Nu geseg(e)nn dich gott du lieb(er) reb(e)nsafft 
Du hast mir geb(e)nn so garr guett(e)n crafft 
Du magst mir das ich mich vil weltlich(e)r du(n)ck 
Dan meiner neu(n)en so ich wasser trunck 
Du magst das ich vill frolich geparr 
Dan da mir d(er) vat(er) lag auf der parr 
Und magst das ich mit frau(e)n will schercz(e)n 
So es mir nyndert ist am hercz(e)nn 
So magst dz ich mit zeh(e)nn will fecht(e)n 
Der ich aine(n) nit czwung mit all(e)n meine(n) mecht(e)n 
So machstu mich offt zu aine(m) stume(n) 
Das nyema(n)t vo(r) meiner rede hin zu kann kume(n) 
Wann ich supp dich lieb(er) in mein haup 
Dan ain käsprue daran ein kranker gelaubt 
So pad ich auch lieb(er) mein zung(e)n aus dir 
Dan aus aine(m) guet(e)n pier 
Unnd will mein zendt in dir necz(en) 
Dann solt mir ein alcz weib ein hinder(e)n dar(a)n secz(e)n 
Daru(m)b liebst du mir ye leng(er) ye pas 
Ich sprich wer dir fein sey od(er) hass 
Den well(e)n wir fur aine(n) nar(e)n v(er)kund(en) 
Unnd well(e)n im das harr ym arß anczund(en) 

Salutacio

[28r] 
Grueß dich gott du lieb(er) lanczman 
Kain pessern gesell(e)n ich nye gewann 
Unnd den ich lieb(er) wil bey mir wiss(e)nn 
Wann ich des morgens han abgepissenn 
Und ich dich dan hab yn meine(m) trinckfasz 
So dienstu du mir zu tisch vill pat(e)nn (?) 
Dann all trucksess(e)nn die da leb(e)nn 
Got behuet den stock unnd die reb(e)nn 
Daran du heuer gewagssenn pist 
Gott fueg dein stock pfel pant und mist 
Unnd sunnen reg(e)nn und auch aine(n) man 
Derr dich woll schneidenn unnd hack(e)n kann 
Das du pis jar mugst wid(er) gerat(e)n 
Die gross(e)n weck und faist(e)nn prat(e)n 
Wan ir drei pei ein ander seitt 
So kurcz ir mir vil pas die zeitt 
Dan harpf(e)nn geig(e)n unnd pad(e)n 
Kum spat od(er) fru so will ich dich ein lass(e)n 
Und wil dich nit la(n)ng an d(er) tire lass(e)n pass(e)n 

Valediccio 
Nun geseg(e)n dich got du lieb(er) aid gesell 
Mit recht(er) lieb und treu ich nach dir stell 
Bis das wir wid(er) zu samen kumen 
Dein nam d(er) haist d(er) kuczl den gumen 
Du bist meiner zung(e)n ein suesse naschu(n)g 
Und bist meiner zung(e)n ein reyne abschaschu(n)g 

[28v] 
Unnd bist meins hercz(e)n ein edles zu fliess(e)n 
Unnd all(e)n meine(n) gelid(ern) ein hailsams begiss(e)n 
Du schmeck(s)t mir pas dan alle die prunen 
Die aus den felssen ye sein gerunenn 
Wan ich kain dutt(e)n nye gern sag 
Nu pehuet mich gott vorr sannt urbans plag 
Und beschirm mich got auch vor der strauch(en) 
Wan ich die stieg hinab sol dauchenn 
Das ich auf meinen fuessen pleib 
Und frolich haim gee zu meine(m) weib 
Unnd alles das si mich frag 
Nu behuet dich got vor niderlag 
Du seist hie hinen od(er) tauss(e)n 
Nu gesegen dich got und pleib nit lang auss(e)n 

Salutacio 
Nu gruess dich got du suesser himeltau 
Gee herr unnd feucht mir meines herz(e)n au 
Mit deine(m) gesunten hailsame(n) risel 
Ich leg dir dar mein schacz mein trisel 
Und alles das mein syn erleicht 
Das machst das manch(e)r gar langsam wirt reich(t) 
Noch ee ich dein wolt lang entpern 

[29r] 
Ich wolt ee schrein und truhen leren 
Mein lieb halt ich an dir als stet 
Das du mir machest lerr mein kandl pret 
Nun secz ich yn dich mein getrau(e)n 
Und solt ich holt nymer kain hauss pauen(n) 
Noch will ich mich nit vo(n) dir schayd(e)n 
Auch kan dich mir nyemancz erlaiden 
Das ich ein klaine feintschafft zu dir hab 
Fleüß herr ein und lesch mir mein dürre lebern ab 

Valediccio 
Nu gesegen dich gott du edles abkullen 
Die maister auf den hohen stulen 
Die haben dich fuerr ein grosse erczney 
Und mein auch aller pauern kirchwei 
Sey ganncz vernicht wann du nit werst 
Wie wol du yn die peite(l) lerst 
Noch machstus das si lerne(n) schirme(n) 
Und auch ir harr mit pencken strelen 
Wan si der grossen trunck nit felen 
Dan man s vindt manchen groben dorfman 
Der dich nit hubschlich trincken kan 
Wan sein fleisch vol ist des selb(e)n streucz(e)l 
So vast er dannoch ein mas in zuczl 
Wer fuer dich pitt am perg und an leit(e)n 
Die well gott erheren an iren leczt(e)n zeit(e)n 
Mit erparm(u)ng und mit grossen gnad(en) lab(e)n 
Und die dich als gern getrunck(e)n haben 

[29v] 
Das si durch den willen kain unt(er)sturcz name(n) 
Wer dich gern trinck der sprech amen 

Salutacio 
Nu grues dich got du gesunte erczney 
Wo du rust da ist grosse kirchwey 
Gnad und aplas all(er) gelert(e)n und layen 
zu dir wil ich wall(e)n unnd rayen 
Mit manne(n) frau(e)n und knab(e)n 
Und grossen gelauben an dich haben 
Du waigst mir die zennt undt padts mir die zung(e)n 
Und frist mir die lebern und feuscht mir die lung(e)n 
Du lembst die starck(e)n und velst die snell(e)n 
Und lernst ain sprach die hayst man die lel(e)n 
Und machst die weissen zu fantast(e)n 
Ich wil dir thür und tor aufsliess(e)n 
Und wil dich herr ein in mein essich vas giessen 

Valediccio 
Nu gesegenn dich gott du lieber haylandt 
Der noel dich am ersten erfand 
Und tunget dich mit vierlay mist 
davon du noch kreftig pist 
Vo(n) schaffen affen leon und swein 
Die vier kraft lest du noch erscheinen 
An manen frauen layen und pffaffen 
Die machst du noch zu narren und affen 
wer dein zu vil geladen hat 
den legstu zu den swein ins katt 

[30r] 
So machst in manigen so verzeyt 
das er zehen krieg genueg geit 
So machstu manch(e)n wilden zam 
Sam wern in alle seine gelider lam 
Die vier kraft vind man an mane(n) und an weib(e)n 
Die kain arcz kan als wol vertreiben 
Als ein kuneg mit frisch(e)n prunen 
So sie das keller schos habenn gewunenn 

Salutacio vini 
Nun grues dich gott du lieb(er) necze(n)gumen(n) 
Warumb wildu nit offt zu mir kumen 
Werr hatt mich nuer gein dir verlogen 
du kumpst manch(e)n als zuschir 
und magst das im sein zung hinck 
Wen err zu offt seinenn gesellen trinck 
Unnd magst das manicher mit red an stöst 
Wann err dich zu lang am mundt lest 
Unnd magst das manich sein haupt ser clagt 
Wann err sein trunck zu gross hatt gemacht 
So magstu das manicher seine(m) weib ser flucht 
Wenn err dich zu offt in der taferen suecht 
So magstu das weib unnd kind offt prume(n) 
Wen err nit pei zeit von dir wil kumen 
Unnd haymhin gett pey manes schein 
Doch ist die schuld nit alle dein 
Das manich(er) haymhin geet so spat 
Die wurrf(el) kart(e)n und spul s pret 

[30v] 
Die machen das manich(er) offt zu lang hart 
Daru(m)b in weib und kind anplardt 
Der wil ich dir alles kains zu sagen 
Wann du mich frolich kannst machenn 
Mit deinem(m) senft(e)n suessen trab 
Daru(m)b ich freutschaft zu dir hab 
Wan aus aine(m) krueg wer mir lieb(er) ain sueser tropf 
Dan ain ganczer eimer wasser aus eine(m) gulden kopf<ref>Danach bleibt die restliche dreiviertel Seite leer.</ref> 

[31r] 
Salutacio vini 
Nun grues dich gott du lieb(er) reben knecht 
Du pist mir sumer und wint(er) gerecht 
Wann du magst nunen und munich gail 
Das sy offt ziehen am narren sayl 
Du tröst die pauern(n) in aine(m) zwilhen kit(el) 
Du trost die kranck(e)n in dem spit(el) 
Du trost die lamen und die plind(e)n 
Wann si dich mer fail kunen finden 
Du trost alle kindlpetterin 
Es sey dann das in gelcz zu rin 
Du trost all pilgram(m) auf denn wel weg(en) 
Und hilfst in hyn in wind und in regen 
Du trost auch die nune(n) in den clausen 
Daru(m)b will ich dich gern behaussen 
Wann du pist mir ein lieb(er) gast 
Maniger hat weder rue noch rast 
Als lang bis das er kumbt zu dir 
Nu grues dich gott gee herr zu mir 
Wan als mein trauern weicht vo(n) mir ab 
So ich dein ein sedl als ain viert(el) kand nu(n) hab 

Valediccio vini 
Nun gesegenn dich gott du liebe reb(e)n preü 
Umb dich hab ich grosse arbait und mue 
Pis das ich dich wider zu mir pring 
Du pist mir garr ain suesse gespreng 
Doch werr zu lang pei dir wöl harrenn 
Den zellen den weissen fuer aine(n) armen 
Wer dan dein zu vill auf sich legt 

[31v] 
Derr hatt sein synn wol halb verzelt 
Werr dich nit hubschich trincken kan 
Der krät auf der narren pann 
Werr dein zu vill an die oren henckt 
Der hatt sein weishait aus geschenckt 
Der stuck ist kains an dir das ich wil scheuh(e)n 
Und will altag dein lob verneuen(n) 
Got mach sälig all man unnd frauen 
Die dich an hohen pergen herr hauen(n) 
Und das in nymer laid geschech 
Far hin und hald in der nee 
Wan ich dich alltag will wider suechen 
Und sult mir darumb weib und kindt fluech(e)n 

Salutacio vini 
Nu grues dich gott du all(er) liebst(er) trunnck 
Ich was dir hold da ich was junck 
So will ich im elle(nd) nit von dir weich(e)n 
Und wil tag und nacht nach dir schleich(e)n 
Wan wo du pist da pin ich auch gern 
Unnd kan pecher und kraussen woll ler(e)n 
Unnd auch schlauch(e)n aus dem glass 
Das lernt ich da ich junck wass 
So tunck mich ich thue im im alt(er) auch recht 
All mein freundt hab(e)nn dich nie verschmacht 
Wann du zeugst an dich als der mangnet 
Manich(er) zu mittentag zu dir geet 

[32r] 
Unnd kaum vonn dir kumpt zu mitt(er)nacht 
Das habenn als dein sues zug gemacht 
Und wirt si offt yns katt nider 
Noch genn si des morgens all gern hin wid(er) 
Und suech(e)nn solliche lieb unnd freuntschaft zu dir 
Als werst dus ir leiplicher prueder schier 
All crist(e)n und haiden juden umb dich pitt(e)n 
das dich got beschirm und frit(e)n 
Den stock und die reb(e)n da du hangst 
wen du so lieplich vor mir <s>hangst</s> brangst 
Wie mocht ich dir dan das versag(e)nn 
ich mues dich secz(e)n an meine(n) krag(e)n 
Wann es kumb mir zu grossen statt(e)n 
Nu ziecht euch ab ir lieb(e)n wan ir muest wat(e)n 

Valediccio vini 
Nun gesegenn dich got du all(er) liebst(er) trost 
Du hast mich vonn grossem durst erlost 
Du magst meine gelid(er) kechk 
Und jagst all mein sorg hin weck 
Unnd magst manich(e)n pettler frolich 
Der all nacht mer ligt auf eine(m) strrölich 
Du magst tancz(e)n munnch und nunnen 
Das si nit tett(en) truck(e)n si den prunen 
Du magst manich(e)n hant wercks man 
Das er in zerisne(n) klaidern muess gann 
Das in sein zend merr kost(e)n zu paden 
Dan haupt fues hend und waden 

[32v] 
Die alten pauern(n) in den dörff(e)n 
Die hastu offt ins kot nid(er) geworff(e)n 
Wan sich sy nestl(e)n an die weinreb(e)n 
Das sey dir alls vor got vergeb(e)n 
Unnd ich peutt dir bey bestlich(e)nn pannen 
Du sey bey frauen oder bey mannen 
So kum herr wid(er) pey reifen(n) zeitt(e)n 
Wann ich mues mein zend garr offt indy schwem reitt(e)n 

Salutacio 
Nu grus dich got du liebes pier 
Gee herr und lesch mir den durst schier 
Und mach mich nit zu schanden pei den leuten 
Und behuet mich von dem schnell(e)n geutt(e)n 
Wan dein nam haist rumpl(er) inder plassen 
Vo(n) dir wachss(e)n solich rossen 
Die nymant mit henden(n) ab kan prech(e)n 
Darein die seu und(er) den zeunen zechen 
Wan dort hint(e)n in aine(m) winck(el) knoch 
So haist dein nam der pratz(el) in das loch 
Wann man dich in aine(n) kess(el) geseut 
So haist dein nam d(er) pflad(er) geut 
Und schwanck(e)n darin in dem schwais 
Und werr von dir lass(e)n will ain schais 
D(er) muos den h(er)für gan seib(er)lich(e)n lassen schleich(e)n 
Das icht pepf(e)n nit wert schleich(e)n 

[33r] 
Nun gesegenn dich gott du liebste gerst(e)npreu 
Mach mir nachst im pett kain müe 
Wann ich pei meiner hausfrau(e)n rue 
Das mir das unter loch pleib zue 
Das ess nit pracl unnd überlauff 
Als wenn man ain gans ber arsz rauff 
Und mach mir kain rump(el) im pauch 
Bis das ich hind(er) das hauss hauch 
So gee dan seuberlich von mir unden 
Und lass mich als du mich hast funden 
Und eil nit und(e)n aüs zu schnel 
Das mir kain senft und(er) pruech auf quel

Weingrüße Mgq 2370 - Versionsgeschichte

Silvan Wagner: Textersetzung - „Berlin, Staatsbibliothek: Mgq 2370“ durch „[http://resolver.staatsbibliothek-berlin.de/SBB000053A800000000 Berlin, Staatsbibliothek: Mgq 2370]“

Silvan Wagner am 16. April 2022 um 15:16 Uhr

Silvan Wagner: Die Seite wurde neu angelegt: „==Signatur== Berlin, Staatsbibliothek: Mgq 2370, 26r-33r ==TranskriptionTranskriptionsrichtlinien: Abkürzungen werden in () aufgelöst; Nachträge werde…“