Silvan Wagner: Textersetzung - „Pamphilius“ durch „Pamphilus“

2023-01-08T17:05:26Z

Textersetzung - „Pamphilius“ durch „Pamphilus“

← Nächstältere Version		Version vom 8. Januar 2023, 17:05 Uhr
Zeile 1:		Zeile 1:
	==Signatur==		==Signatur==
	Druck Basel, 1513: ~~Pamphilius~~ Gengenbach (VD16 ZV 29685)<ref>Noch Nachdrucke o.O. um 1560 (VD16 R 439, Exemplar Wolfenbüttel, HAB) und o.O. 1581 (VD16 ZV 30224, Exemplar Wien, UNB)</ref>		Druck Basel, 1513: Pamphilus Gengenbach (VD16 ZV 29685)<ref>Noch Nachdrucke o.O. um 1560 (VD16 R 439, Exemplar Wolfenbüttel, HAB) und o.O. 1581 (VD16 ZV 30224, Exemplar Wien, UNB)</ref>

	==Transkription==		==Transkription==

Silvan Wagner: /* Transkription */

2022-04-19T07:51:36Z

Transkription

← Nächstältere Version		Version vom 19. April 2022, 07:51 Uhr
Zeile 77:		Zeile 77:
	Gesegen dich got kum schier herwider		Gesegen dich got kum schier herwider

	'''Der.II Grusz'''		'''Der.II Grusz'''<br />
	Got gruͤsz dich wein und ouch din krafft<br />		Got gruͤsz dich wein und ouch din krafft<br />
	An dir lit grosse meisterschafft<br />		An dir lit grosse meisterschafft<br />
Zeile 539:		Zeile 539:

	S R F		S R F


			==Anmerkungen==
			<references />

Silvan Wagner: Die Seite wurde neu angelegt: „==Signatur== Druck Basel, 1513: Pamphilius Gengenbach (VD16 ZV 29685)Noch Nachdrucke o.O. um 1560 (VD16 R 439, Exemplar Wolfenbüttel, HAB) und o.O. 1581…“

2022-04-19T07:50:18Z

Die Seite wurde neu angelegt: „==Signatur== Druck Basel, 1513: Pamphilius Gengenbach (VD16 ZV 29685)<ref>Noch Nachdrucke o.O. um 1560 (VD16 R 439, Exemplar Wolfenbüttel, HAB) und o.O. 1581…“

Neue Seite

==Signatur==
Druck Basel, 1513: Pamphilius Gengenbach (VD16 ZV 29685)<ref>Noch Nachdrucke o.O. um 1560 (VD16 R 439, Exemplar Wolfenbüttel, HAB) und o.O. 1581 (VD16 ZV 30224, Exemplar Wien, UNB)</ref>

==Transkription==

[1] 
Raͤbhaͤnszlin<ref>Ein Holzschnitt teilt das Wort: links Winzer beim Weintragen und -treten, rechts Skorpion.</ref> 
'''Rebhenszlins segen heisz ich ''' 
Guͦten wein gruͤsz ich 
Wan(n) er offt hat erfroͤwet mich

Nun mercken lieben gsellen mein 
All die do drincken geren wein 
Lond eüch diß buͤchlin befolhen sein 
Wan(n) ir dar innen finden ston 
Wie<ref>Links daneben: Bild einer Deutehand.</ref> man den wein sol gruͤssen schon 
Dar zuͦ ouch manchen guͦten segen 
Der dan(n) die follen bruͤder pflegen 
Die by im(m) wonen tag und nacht 
Hab ich diß buͤchlin zuͦ eren gemacht

Tru(n)cke(n) uͤlin<ref>Ein Holzschnitt teilt den Ausdruck: links ein trinkender Herr in einer Kammer vor gedecktem Tisch und Feuer, rechts ein Mann, der aus einem Krug auf die Erde gießt.</ref>

[2] 
'''Der erst Vingrusz''' 
Nun gruͤß dich got du edels getranck 
Fryst mir mein laͤbern sie ist kranck 
Mit dein gesunden heylsamen tropffen 
Du kanst mir wol mein trauren verstopffen 
Saͤlig sie der haͤcker der umb dich hacket 
Saͤlig sey der laͤser der dich erzwacket 
Saͤlig sey der der dich in ein kübel legt 
Saͤlig sey der der dich in die kalter tregt 
Saͤlig sey der bütner und die hand 
Die dich mit reiffen zuͦsamen band 
Saͤlig sey der der dir machet ein hültzen hauß 
Saͤlig sey der der dich ruͤffet auß 
Saͤlig sey der wirt der schencken erdacht 
Saͤlig sey der bot der dich her bracht 
Saͤlig sei der der dich ein schenckt 
Unsaͤlig sei der der ein solichs erdenckt 
Das man die maß sol machen clein 
Got behuͤt dich vor dem hagel stein 
Und vor desz kalten reiffen frost 
Du gantze labung und halbe kost 
Nun soͤllen sie alle saͤlig sein 
Und die da gerne trincken wein 
Den well got allzyt wein bescheren 
Und spysz da mit sie den lyb erneren

'''Der erst Segen''' 
Nun gesegen dich got du edle lyb salb 
Du ertzniest mich allenthalb 
Du bist ein gesunder syropel 
Der keiser von constantinopel 
Und der groß chan von cathey 
Und priester johan die reichen drey 
Moͤchten dein adel nit vergelten

[3] 
Warumb wolt ich dich dan(n) schelten 
Kein hochzeyt ward nie so grosz 
Bistu nit dar uff so ist es blosz 
An froͤüden und an froͤligkeit 
Gelobt sey der stock der dich treit 
Man sagt von quelen brunne(n) im(m) meyen 
Wan(n) man und frauen dar zuͦ reyen 
Kumpst du nit dar mit follen flaͤschen 
So viel alle froͤüd gar in die aͤschen 
Und wer der babst zuͦ tysch gesessen 
Und solt der keiser mit im(m) essen 
Und hetten vor in drysig richt 
Noch wer es als zuͦ mol für nicht 
Wan(n) du nit gegenwertig werst 
Und wo du miner hilff begerst 
So muͤssen dir diene(n) alle mine glider 
Gesegen dich got kum schier herwider

'''Der.II Grusz'''
Got gruͤsz dich wein und ouch din krafft 
An dir lit grosse meisterschafft 
Unmaͤssig grosz ist dein gewalt 
Wan(n) du erfroͤwest jung und alt 
Und gist ouch sterck vil machem man 
Wan(n) er zum sturm und stryt sol gan 
So scheucht er weder wurff noch schleg 
Er steigt durch studen und geheg 
Hat er den wein mit krafft verschlossen 
Er ist zuͦ faͤchten unverdrossen 
Hat er den kerusz in(n) der stiern 
So glanckt im(m) ouch wol zuͦ hofiern 
Zuͦ tantzen reyen und zü springen 
Den stein zuͦ werffen un(d) zuͦ ringen 
Für war so darff sein nieman beiten 
Er ist zuͦ stürmen und zuͦ streiten

[4] 
Gar kuͤn und dar zuͦ unverdrossen 
Hat er deß wynes krafft genossen 
So streicht er kuͤnlich mit der parten 
Und hauwet manche grosse scharten 
Durch herte(n) harnasch und durch blatten 
Auch niema(n)dt darff im(m) dar zuͦ raten 
Allein der wein der macht in starck 
Solt er verschlahen zehen marck 
Das wer im alles ein schlehen kern 
Darumb wil ich dich trincken gern 
Seit du hast solch sterck und gewalt 
Deß sol dir dienen jung und alt

'''Der.II. Segen''' 
Got gesegen dich wein und ouch dein guͤt 
Sich kümmert seer das mein gemuͤt 
Das ich ein wenig mocht dichten 
So kan ichs niergen auß gerichten 
An dir so leit so grosser hort 
Du taylst dich in das ewig wort 
Es ward kein maͤß ouch nie volbracht 
Gesprochen gesungen noch gemacht 
Man muͦß dich allzyt do by haben 
Und wan(n) der priester let den knaben 
Deß vatters sun har uß dem thron 
Wol mit fünff worten zart und fron 
Bringt er in in(n) ein cleines brot 
Dar von manch sel auch kumpt ausz not 
Und hilfft in auß des feures pein 
Dar nach nympt er wasser und wein 
Wan(n) er geteilt den herren schon 
Und opffert den seim vatter fron 
Für all menschen und gloͤübig selen 
Das in got ringer mach ir quelen 
Deß lob ich dich du lieber wein

[5] 
Seidt du by solcher wird muͦst sein 
Ich will mein leib mit dir verschrancken 
Du troͤstest auch gar manchen krancken 
Wyb und man priester und leyen 
Ich wil noch tantzen an dem reien 
Die weil ich nur mag uff gehopffen 
Wan(n) dine suͤsz und edel tropffen 
Schmacken mir wol uff miner zungen 
Dar umb gebuͤt ich alt und jungen 
Das sie halten den wein in eren 
Der kan unsz unser leid verkeren

'''Der.III Grusz''' 
Nun gruͤß dich got du edler wein 
Schmuck dine fuͤß und ge haͤr ein 
Ich mag dir doch nit find gesein 
Wie wol du mich bringst umb das mein 
Du thuͦst mir offt mein taͤschen laͤren 
Noch wil ich dein doch nit entperen 
Du helge abwaͤschung miner kleider 
Mir ist nur umb das gelt dest leider 
Hetstu mir mein vatter erschlagen 
Noch setz ich dich an minen kragen 
Und lasz dich süberlich inher fliessen 
Wan(n) du kanst mir mein lungen giessen 
Und kanst mir auch mein laͤbern kuͤlen 
Deszglichen auch den kragen spuͤlen 
Und kanst mir riechen in mein stirn 
Kanst mir auch wol mein haubt regiern 
Und machst das ich nach frauen jag 
Meer dan(n) ich under der gürtel vermag 
Darumb bist du der liebst fründ mein 
Wer nit von frauen und von wein 
Allzyt ein guͦten muͦt mag han 
Den wend wir verkünden in den ban

[6] 
'''Der.III. Segen''' 
Got gesegen dich du lieber reben safft 
Du hast mir offt geben grosse krafft 
Du machst das ich froͤlicher far 
Dan(n) do mein vatter lag uff der bar 
Und machest mich mit frauen schertze(n) 
So es mir niergend ist am hertzen 
Und machst das ich mit zehen wil faͤchten 
Der ich kein fieng mit all mein knechten 
Und machest mich offt zuͦ eine(m) stummen 
Das niemand vor mir zuͦ red mag kummen 
Ich sup dich lieber in mein haubt 
Dan(n) ein kaͤßbruͤ do ein krancker an glaubt 
Ich bad mein zungen lieber auß dir 
Dan(n) auß einer guͦten wagen schmir 
Mein zen wil ich lieber ausz dir netzen 
Dan(n) solt mir ein alt weib den ars dran setzen 
Du liebest mir ye lenger ye baß 
Wer dir ist feind oder gehaß 
Den wend wir für ein narn verkünden 
Und wellen im(m)s hor im(m) ars anzünden

'''Der.IIII. Grusz''' 
Nun gruͤß dich got du suͤsser hymel tau 
Ge her durch feücht meins hertzen au 
Mit dine(n) gesunden heylsamen rüssel 
Ich leg dir dar mein schatz und trüssel 
Und alles das mein sin(n) erschleicht 
Du machst das mancher gemelich reicht 
Doch ob ich dein wolt lang entpern 
Ee wurd er schrein und truhen lern 
Sein lieb die helt er an dir staͤt 
Das er macht laͤr sein kandelbret 
Ich setz in dich ouch als mein trauen

[7] 
Und solt ich ymmer kein hausz gebauwen 
Doch wil ich mich nit von dir scheiden 
Auch kan dich niemandt mir erleiden 
Kein findschafft wil ich zuͤ dir tragen 
Nun flüß mir haͤr in minen kragen

'''Der.IIII. Segen''' 
Nun gesegen dich got du edles abkuͤlen 
Die meister uff den hohen stuͤlen 
Hand dich für ein gesunde ertzney 
Ich mein auch aller paure(n) kirchwey 
Wer gantz vernicht wan du nit werst 
Wie wol du in die buͤtel lerst 
Und machst auch das sie lerne(n) schirmen 
Und selber an ein ander firmen 
Und ouch ir hor mit pencken streln 
Wan(n) sie der grossen trünck nit feln 
Wan(n) man findt manchen groben man 
Der dich nit hübschlich trincken kan 
Wan(n) sein flaͤsch ist vol desz selben strutzel 
So faßt er danocht ein masz in zutzel 
Wer für dich bit an bergen und an leiten 
Die well gott eren zuͦ allen zeiten 
Mit parmung und mit gnaden laben 
All die dich gern getruncken haben 
Durch dich manchen sturtz namen 
Wer dich gern trinckt der sprech ouch amen

'''Der.V Grusz''' 
Nun gruͤß dich got du gesunde ertzney 
Wo du rast do ist grosz kirwey 
Genad und ablasz gelerten und leyen 
Zuͦ dir so will ich wallen und reyen 
Und grossen glouben an dich haben 
Dein werde krafft duͦt manchen laben

[8] 
Wan(n) all syropell und recept 
Da mit ma(n) all krancken flickt und stept 
Du waͤst mir die zaͤn und badst mir die zungen 
Und fryst mein laͤbern und fleist die lungen 
Und labst mirs hertz und fülst die blosen 
Dein krafft kan niemandt auß gekosen 
Du lembst die starcken und felst die schnellen 
Und lerst ein sprach heißt man die lellen 
Und machst die wysen zuͦ fantasten 
Noch will ich weder ruͦwen noch rasten 
Ich will dir thür und thor uff schliessen 
Und will dich in mein essig fasz giessen

'''Der.V. Segen''' 
Nun gesegen dich got du lieber heylandt 
Her noe dich am ersten fandt 
Der decket dich mit fierlay myst 
Dar von du noch so krefftig bist 
Von affen schafen loͤwen und schwein 
Die vier krafft duͦst du noch taͤglich schein 
An man und frauen leyen und pfaffen 
Die machst du offt zuͤ narren nd affen 
Wer dein zuͦ vyl geladen hat 
Den legst du als ein schwein ins kat 
So machstu manchen so verheit 
Das er wol zehen kriegs gnuͦg geit 
Ouch machstu manchen wilden zam 
Als weren im(m) all sein glider lam 
Die fier krafft spürt man an manne(n) und wyben 
Die kan kein artzt als wol vertriben 
Als ein kruͦg mit fryschem brunnen 
Wan(n) sie das keller geschossz hand gewunnen

'''Der.VI. Grusz''' 
Got gruͤsz dich lieber reben knecht

[9] 
Du bist mir winter und summer gerecht 
Wan(n) du machst münch und pfaffen geyl 
Das sie offt ziehen am narren seyl 
Du troͤst die pauren in eim zwilchen kittel 
Und ouch die krancken in dem spittel 
Du troͤst die lamen und die blinden 
Wo sie dich anders moͤgen finden 
Du troͤst ouch all kindtpeterin(n) 
Es sey dan(n) das in geltz zerrin(n) 
Du troͤst all pilgram auff den wal wegen 
Und hilffst in hin in wind und regen 
Und troͤst die reine(n) in den clausen 
Darumb wil ich gern by dir hausen 
Wan(n) du bist mir ein lieber gast 
Mancher hat weder ruͦw noch rast 
Als lang biß das er kumpt zuͦ dir 
Nun gruͤß dich got gee her zuͦ mir 
Als mein leid wichet von mir ab 
Wan(n) ich dein ein moß oder dry in mir hab

'''Der.VI. Segen''' 
Nun gesegen dich got du liebe reben bruͤ 
Umb dich so han ich grosse muͤ 
Bissz ich dich wider zuͦ mir breng 
Du bist mir gar ein suͤß bespreng 
Doch wer zuͦ lang will by dir harren 
Den zeln die wysen für ein narren 
Wer dein zuͦ vyl uff sich gelet 
Der hat sein sin(n) wol halb verzet 
Wer dich nit hübschlich trincken kan 
Der kraͤgiert wol uff der narren ban 
Wer din zuͦ vyl an die oren henckt 
Der hat sein wyßheit auß geschenckt 
Der stück ich keins wil an dir schüen 
Und wil din lob all tag ernüwen

[10] 
Got macht saͤlig all man und frauen 
Die dich an hohen bergen hauen 
Das inen nümmer leid geschaͤch 
Far hin und halt dich in der naͤch 
Ich wil dich altag wider suͦchen 
Solt mich halt wyb und kind verfluͦchen

'''Der.VII Grusz''' 
Nun gruͤß dich got mein lieber trunck 
Ich was dir hold do ich was junck 
Ouch wil ich nimmer von dir wychen 
Ich wil dir tag und nacht nach schlychen 
Und wa du bist da bin ich gern 
Ich kan wol krausen und baͤcher lern 
Und kan wol schlauchen auß dem glaß 
Das lernet ich do ich junck was 
Das dunckt mich im(m) alter ouch sin recht 
All mein fründ hand dich nie verschmaͤcht 
Du zeüchst an dich als der magnet 
Mancher zuͦ mittag zuͦ dir get 
Und kumpt kum heim zuͦ mitternacht 
Das hand din suͤssen züg gemacht 
Würfft sie deß nachts in dreck dar nider 
Noch gen sie morgens gern hin wider 
Und suͦchen grosse früntschafft zuͦder 
Als werst du ir rechter bruͦder 
Als juden christen heyden bitten 
Das got woͤll beschirmen und beschütten 
Den stock und reben da du an hangst 
Wan(n) du so leyplich vor mir brangst 
Wie moͤcht ich dir dan(n) das versagen 
Ich müst dich drincken in mein kragen

'''Der.VII. Segen''' 
Gesegen dich got mein lieber trost

[11] 
Du hast mich offt vom durst erlost 
Du machst mir meine glider keck 
Und jagst mir all mein sorg hinweck 
Du machst ouch manchen bettler fro 
Der all nacht leit uff eine(m) stro 
Du machst ouch tantzen münch und nunnen 
Das sie nit daͤten truncken sie brunnen 
Du machst ouch manchen handwercks man 
Das er muͦß bloß und nacket gan 
Das im(m) sein zaͤn stond mer zuͦ baden 
Wan(n) haubt und hend und fuͤß und waden 
Die alten pauren in den dorffen 
Hast du offt in den traͤck geworffen 
Wan(n) sie sich nestlen an die raͤben 
Das sey dir als vor got vergeben 
Ich buͤt dir by deß babstes ban(n) 
Du seyst by frauen oder man(n) 
So kum(m) herwider zuͦ rechten zeiten 
Wan(n) ich dyn alzeit gern wil beiten

'''Der.VIII Grusß''' 
Nun gruͤsz dich got du lieber lantzman 
Kein bessern gesellen ich nie gewan 
Den ich will lieber bey mir wissen 
Wan(n) ich des morgens han angepissen 
Und ich dich han in meim trinckfaß 
So dienst du mir zuͦ tysch vyl basz 
Wan(n) all truchsessen die do laͤben 
Got behuͤt den stock und auch die raͤbe(n)n 
Dar an du heür gewachßsen bist 
Got fuͤg dem stock pfaͤl band und myst 
Sunnen und regen und einen man 
Der dich hacken und schniden kan 
Das du bisz jar moͤgst wider geraten 
Die grossen weck ynd faysten braten

[12] 
Wan(n) ir dry by einander seit 
So lebt man froͤlich alle zeit 
Dan(n) mit harpffen dantzen oder baden 
Darumb wil ich zuͦ gast dich laden 
Spat und fruͤ wil ich dich ein lassen 
Untz mir offnen thuͦr und strassen

'''Der.VIII. Segen''' 
Got gesegen dich lieber eyd gesel 
In rechter lieb ich nach dir stel 
Bissz das wir wider zesamen kummen 
Dein nam(m) der heißt der kitzel am gumen 
Du bist miner zung ein suͤsse naschung 
Und meiner kaͤl ein rein abwaschung 
Du bist meins hertzen edles zuͦ fliessen 
Und mein glidern heilsams begiessen 
Und schmeckst mir baß dan(n) all die brunnen 
Die ye auß felsen sind gerunnen 
Allein ich nun mich dein vermag 
Got behuͤt unß vor sant urbans plag 
Das ich behuͤt sey vor dem strauchen 
Wan(n) ich die staͤgen ab sol tauchen 
Das ich uff meinen fuͤssen bleib 
Und froͤlich heim gee zuͦ meim weib 
Und als daß wissz das sie mich frag 
Behuͤt dich got vor niderlag 
Du seyst halt dinnen oder daussen 
So behuͤt dich got blib nit lang aussen

'''Der.IX Grusz''' 
Got gruͤß dich lieber netzen gu(m)men 
Du soltest offter zuͦ mir kummen 
Wer hat mich nur verlogen gen dir 
Doch kumpst du manchem nur zuͦ schier 
Und machst das im(m) sein zungen hingt

[13] 
Wan(n) er offt für sin gesellen trinckt 
Und machst das er mit red anstest 
Wan(n) er zuͦ lang am end dich lest 
Und machst das mancher sein haubt clacht 
Wan(n) er die trünck zuͦ grosz hat gmacht 
Und machst das im(m) sein wyb ser fluͦcht 
Wan(n) er dich offt im(m) weinhauß suͦcht 
Du machst das wyb und kind fast brummen 
Wan(n) er by zyt von dir nit wil kummen 
Und hein wil gon by mones schyn 
Doch ist die schuld nit ytel din 
Das mancher heim kumpt also spaͤt 
Der würffel karten und spilbraͤt 
Die machen das mancher offt lang hart 
Dar umb in wyb und kind an blart 
Der wil ich dir als keins zuͦ sachen 
Wan(n) du mich wol kanst froͤlich machen 
Mit dinen suͤssen senfften trab 
Dar umb ich früntschafft zuͦ dir hab 
Ausz eim glasz wer mir dir lieber ein tropff 
Dan(n) ein eimer wassers ausz eim guldin kopff

'''Der.IX. Segen''' 
Nun gesegen dich got du krefftige labung 
Du wol zeltende senffte trabung 
Du suͤsses meyen bad miner zungen 
Du fryschest mir die laͤbern und die lungen 
Als wans uff dürrem acker daut 
Wan(n) man dich in eim glaͤszlin schaut 
Kan man dins meisters früntschafft schetzen 
Das macht er als mit dinem fetzen 
Das er mit dir treibt uber jar 
Mit milch und auch mit ayer clar 
Mit stein und saltz mit schweinen schwarten 
Mit den der kaͤller dein muͦsz warten

[14] 
Mit senff weidaͤschen tropff wurtz 
Der deim adel nympt understurtz 
Der zol der hat dich uberwaltzen 
So hat dichs ungelt gar versaltzen 
Das empfindt manch armer in der taͤschen 
Wan(n) man dir dan(n) dein spunt sol waͤschen 
So muͦsz desz wassers vyl zuͦ lauffen 
Wer dan(n) für wein das will verkauffen 
Der wil sein naͤchsten als treulich zaln 
Als einer der mel auß müszdreck sol maln

'''Der.X. Grusz''' 
Nun grüsz dich got du suͤsser geschmack 
Du machst mir kurtz manch langen dack 
Du bist ouch meines muͦtz ein kern 
Bin ich by dir in der tafern 
So dunckt mich ich sey im(m) paradysz 
Und trinck dich dan(n) mit gantzem flysz 
Wan(n) grosse trünck gar selten liegen 
Gen mir kan ich die krausen biegen 
Und lasz dich durch mein kaͤlen lauffen 
Ich wil dich lieber dan(n) balsam kauffen 
Dein edler gschmack ist uber sust 
Du hast mir offt den durst gebuͤst 
Mit froͤüden bin ich gantz besessen 
Und hab meins unmuͦtz gar vergessen 
Wan(n) nie kein tranck ward dem gelych 
Du bist ein halbes hymelrych 
Wan(n) got in grossen froͤüden was 
Da er dich schuͦff nun wisset das 
Zuͦ gallile in einer hochzeit 
Saͤchß kruͤg mit wasser groß und weit 
Da trincken solt sein hand genosz 
Desz herren milt die was so grosz 
Dae er dar ausz macht edlen wein 

15
Den truncken sie froͤlich on pein 
Bissz das si von einander kamen 
Jeder tranck sant johans namen 
Etlicher hat ein trunck gespart 
Der kam und thet ein bernhart

'''Der.X. Segen''' 
Gesegen dich got als trancks ein kron 
Dich fand von erst ein alter man 
Noe der in der archen was 
Do er dein suͤsse ber auff laß 
Dein suͤsser geschmack in do betrog 
Under ein stock er sich do schmog 
Und aß dar ab dein suͤsse trübelein 
Das im(m) sincken ward sein hübelin 
Er legt sich nider und was so weich 
Er hat ein bock der im(m) nach schleich 
Der gund ouch von der raͤben prossen 
Das er kund weder gen noch hossen 
Du btrogst den herren und den bock 
Das im(m) entwichen was sein rock 
Und man her noe sach die scham 
Er hat drey suͤn der ein hiesz cham 
Der decket uff sein vatter baß 
Und zeigt in spot sein bruͦdern das 
Wan(n) wein du hast vil wunders than 
Ein heiliger babst der hieß urban 
Dem thest du ouch ein schafernack 
Er hat dich truncken uff ein dagk 
Das er drey sünd dar in(n) erkoß 
Aber gotz barmhertzigkeit was so grosz 
Das er im(m) gab die hulde sein 
Darumb sprich ich du edler wein 
Ich wil mein tag mit dir vollenden 
Du kanst mir als mein trauren wenden

S R F

Weingrüße VD16 ZV 29685 (d3) - Versionsgeschichte

Silvan Wagner: Textersetzung - „Pamphilius“ durch „Pamphilus“

Silvan Wagner: /* Transkription */

Silvan Wagner: Die Seite wurde neu angelegt: „==Signatur== Druck Basel, 1513: Pamphilius Gengenbach (VD16 ZV 29685)Noch Nachdrucke o.O. um 1560 (VD16 R 439, Exemplar Wolfenbüttel, HAB) und o.O. 1581…“