|
Heiliger Engel, min hüetaere,
mache mir saeldebaere
die himelischen tugende din!
tuo mir hiute helflichen schin!
gip mir der gnaden volleist,
daz dehein widerwertiger geist
an mir gesigen müeze!
hilf mir, der werlde süeze
und miner broede wider stan!
du solt mich des geniezen lan,
daz mich hat got bevolhen dir:
ere den glouben ane mir,
den ich han ze diner huote.
la mir daz komen ze guote,
daz du min wol gehüeten maht:
hüete min tac unde naht
vor dem tivel und vor den sünden!
so du gote müezest künden
die tat, die ich begangen han,
da solt du triuwe an mir began!
durch aller diner triuwen gwin,
sit ich dir in gote bevolhen bin –
nu wis ouch alle zit ze gote
so getriuweliche min bote
als sin min sele dürftic si.
gestant mir helfliche bi!
bit got vil tiure, daz er sich
geruoche erbarmen über mich
durch die liebe und durch den willen din
und durch alle die genade sin.
La mich des siges geniezen,
den dir alle tivel liezen,
do du in den himel behabtest an:
also scheide si von mir hin dan.
hilf, daz din huote an mir gesige
und ir lage sigelos gelige.
behüete mich durch din süezez leben
und durch swaz dir got hat gegeben
der ewiclichen fröude
von siner beschöude.
vor der tivel anesprache,
vor ir striche und ir rache
behüete mich durch guoten rat!
daz din got so wol gehüetet hat,
daz dir an dinen triuwen nie
gen sinen hulden missegie
und ouch niemer mac missegan
– du müezest in riuwen ewic stan –,
sit du mir genaden schuldic bist
und mir so not der gnaden ist,
so beherte an mir din ere
und hüete min so sere,
daz du din huote wol bewendest
und die tivel an mir geschendest!
|
Heiliger Engel, mein Hüter,
lasse mir deine himmlischen Tugenden
zum Segen gereichen!
Erscheine mir heute auf hilfreiche Weise!
Gib mir die Vollendung der Gnade,
damit kein feindlicher Geist
mich besiegen kann!
Hilf mir, der Verführung der Welt
und meiner moralischen Schwäche zu widerstehen!
Lass mich Vorteil daraus ziehen,
dass Gott mich dir anbefohlen hat:
Erweise dem Glauben Ehre an mir,
den ich bezüglich deiner Fürsorge habe.
Lass es mir zugutekommen,
dass du vortrefflich auf mich aufpasst.
Behüte mich bei Tag und Nacht
vor dem Teufel und den Sünden!
Dann kannst du Gott verkünden,
welches Werk ich begangen habe,
auf diese Weise sollst du Treue an mir erweisen!
Als Gewinn all deiner Treue,
weil ich dir in Gott befohlen bin –
sei jetzt auch für aale Zeit in Bezug auf Gott
auf solche Weise mein treuer Bote,
wie meine Seele ihn braucht.
Stehe mir helfend zur Seite!
Bitte Gott inständig, dass er
sich über mich erbarmen möge,
wegen deiner Liebe und deinem Willen
und wegen all seiner Gnade.
Lass mich Nutzen aus dem Sieg ziehen,
den dir alle Teufel ließen,
als du ihn für den Himmel behauptet hast:
ebenso trenne sie von mir ab.
Hilf, dass dein Schutz bei mir den Sieg davontrage
und dass ihr Hinterhalt sieglos bleibe.
Behüte mich aufgrund deines lieblichen Lebens
und wegen allem, was auch immer dir Gott gegeben hat
von der ewigen Freude
seines Anblicks.
Behüte mich vor den Worten des Teufels,
vor ihren Schlägen und ihrer Rache,
durch guten Rat!
Gott hat dich davor so gut behütet,
dass es dir niemals an Treue
gegenüber seiner Huld gemangelt hat
und auch niemals mangeln wird
- andererseits müsstest du ewige Reue leiden -,
da du mir Gnade schuldest
und ich Gnade so nötig habe
bewähre an mir deine Ehre
und behüte mich so sehr,
dass du deinen Schutz gut anwendest
und die Teufel an mir zu Schanden werden lässt!
|