|
Nu grüß dich got du lieber reben safft
Du konst mir geben gute krafft
Und würckest yn mir meisterschafft
Davon man selten wirt sig hafft
Du machst das ich frölicher gepar
Dan do mir mein vater lag auff der parr
Und machst das ich mit frauen will scherczen
So es mir nyndert ist am h(er)czen
So machstu das ich mit zehen wil vechten
Der ich ein nit wetwung mit alle mein knechten
So machstu mich offt zu einem stummen [192r]
Das nymants vor meiner red mag hin zu komen
Wann ich suppe dich lieber in mein haubt
Dan ein keßprü daran ein alcz weip gelaubt
Darumb liebstu mir ye lenger ye pas
Ich sprich wer dir veint sey oder gehaß
Den wöll wir für einen narren verkünden
Und wöllen ym das har(r) ym arß anzunden
|
Nu geseg(e)nn dich gott du lieb(er) reb(e)nsafft
Du hast mir geb(e)nn so garr guett(e)n crafft
Du magst mir das ich mich vil weltlich(e)r du(n)ck
Dan meiner neu(n)en so ich wasser trunck
Du magst das ich vill frolich geparr
Dan da mir d(er) vat(er) lag auf der parr
Und magst das ich mit frau(e)n will schercz(e)n
So es mir nyndert ist am hercz(e)nn
So magst dz ich mit zeh(e)nn will fecht(e)n
Der ich aine(n) nit czwung mit all(e)n meine(n) mecht(e)n
So machstu mich offt zu aine(m) stume(n)
Das nyema(n)t vo(r) meiner rede hin zu kann kume(n)
Wann ich supp dich lieb(er) in mein haup
Dan ain käsprue daran ein kranker gelaubt
So pad ich auch lieb(er) mein zung(e)n aus dir
Dan aus aine(m) guet(e)n pier
Unnd will mein zendt in dir necz(en)
Dann solt mir ein alcz weib ein hinder(e)n dar(a)n secz(e)n
Daru(m)b liebst du mir ye leng(er) ye pas
Ich sprich wer dir fein sey od(er) hass
Den well(e)n wir fur aine(n) nar(e)n v(er)kund(en)
Unnd well(e)n im das harr ym arß anczund(en)
|
Nun gesegen dich got du liebe(r) rebenn safft
Du hast mir geb(e)nn so gute krafft
Du machst dz ich mich weck(er) dunnck
Den meine(r) neun so ich wass(er) trunnck
Du machst dz ich pin frolich(er) zwa(r)
Dan da mein vat(er) lag auff d(er) par(r)
Unnd machst dz ich mit frau(en) scherz
So es mir nyndert ist umb dz herz
Du machst dz ich mit zehenn wil fechten
Daz ich nit eine nit betzwunng mit mecht(e)nn
Du machst mich offt zu eine(m) stümen(n)
Das nyema(n)t vor mir zu redt mag küme(n)
Ich sumpf dich lieb(er) inn mein haubt
Denn ein keßprue dar um ein kranck(er) glaubt [7v]
So pad ich mein zung(en) liebe(r) auß dir
Dan auß eine(r) gut(e)nn wag(en) schmir
So will ich mein zen lieb(er) an dich wetz(e)nn
Denn solt mir ein altz weyb den ars dran secz(e)nn
Darumb libst mir ye lenge(r) ye paß
Wer dir feint sey od(er) gehaß
Den wol mir fur ein narr(e)n |ver|kundenn
Unnd wellenn imß har im ars anzund(e)nn
|
Gott gesegne dich du lieber rebensafft
Du hast mir oft geben große krafft
Du machst daß ich frölicher far
Dann do mein vatter lag auf der bar
Und machest mich mit frauwen schertzen
Wes mir niergend ist im hertzen
Und machst das ich mit zehen will fechten
Der ich kein fieng mit all mein knechten
Und machest mich oft zu einem stummen
Dz niemand vor mir zu red mag kummen
Ich supp dich lieber in mein haubt
Wann ein käßbrü da ein krancker an glaubt
Ich bad mein zungen lieber aus dier
Dann aus einer guten wagenschmier
Mein zän will ich lieber aus dir netzen
Dann solt mir ein alt weib den ars dran setzen
Du liebest mir ye lenger ye baß
Wer dir ist feind oder gehaß
Den wend wir für ein narrn verkunden
Und wöllen im shaar im ars anzünden
|
Nu gesegen dich got du lieb(er) rebensafft
Du hast mir geben so gar gute krafft
Du machst das ich mich vil weher dünck
Dann meiner neün so ich wasser drünck
Du wirckst in mir meisterschaft
Davon man sellten wirt fughafft
Du machst mich das ich frölicher gepar
Dann da mir mein vater lag auf der par
Und machst das ich mit frauen wil scherczen
So es mir doch nyndert ist am herczen
So machstu das ich mit zehen wil vechten
Der ich ein nit bezwinng mit allen mein mechten
So machstu mich oft zu einem stumen
Das nyma(n)dt vor mein(er) rede hinzu mag kumen
Wann ich supp dich lieber in mein haubt
Dann ein kesprü daran ein krancker glaubt
So pad ich doch mein zungen lieber aus dir
Dann aus ein(er) gueten wagenschmir
So wil ich mein zeen lieber in dir neczen
Dann solt mir ein alts weib iren hindern daran seczen
|
Nu(n) gesege(n) dich got du lieb(er) rebe(n) saft
du hast mir geben gar güte kraft
du machst mich das ich mich weisser und stercker bey dir dunck
den mein(er) neün so ich wass(er) trunck [205v]
du machst dz ich vil frelich(er) gepar
den sech ich mein vat(er) lige(n) auf der par
und machst dz ich mit schöne(n) fra(u)e(n) wil \schercze(n)/
so es mir auch nyend(er)t ist im h(er)cze(n)
du machst dz ich mit zeche(n) fechte
der ich ain nit zwung mit all(en) mein(en) machte
du machst mich oft also zü aim stume(n)
dz vor mein nyema(n)t hin zü mag kome(n)
wan(n) ich supff dich lieb(er) in mein hapt
dan ain kessprü da ain kranck(er) an gelapt
und bad auch lieb(er) mein zunge(n) aus dir
dan aus ain(er) güte(n) wage(n) schmir
und wil lieb(er) mein zen in dir necze(n)
dan(n) solt mir ain alcz weib iren hindern dar an seczen
dar umb so liebstu mir ye leng(er) ye bas
ich sprich wer dir sey veind od(er) gehaß
den wöl wir für ain narre(n) v(er)sage(n)
und wölle(n) in aus dem land jagen
|
Nun gesegen dich got du edler reben saft
du gibst mir sollich muͤt und kraft
Das ich mich doch vil weher dunck
dan meiner neuͤn so ich wasser truͤnck
Und machst auch das ich frolicher gepar
dan do mein vatter lag auf der par
Du machst das ich mit frauen wil schertzen(n)
mer dan ich vermag im hertzen(n)
So machstu das ich mit zehen wil fechten
der ich ein nit zwuͤng mit alln mein mechten
So machstu mich offt zu einem solchen stumen
das niemant vor meiner redt hin zu kan kumen
Wan ich sup dich lieber in mein haupt
dan ein keßpruͤ do ein krancker an glaubt
so pad ich auch mein zung lieber auß dir
dan auß einer gutten wagen schmir
So wil ich mein zen lieber in dir netzen
dan solt mir ein alts weib ir(e)n hintern dran setzen
Des liebstu mir ye lenger ye paß
und wer dir feint sey oder gehas
Den wellen wir fuͤr ein nar(e)n verkuͤnden
und weln im das hor im arß an zuͤnden
|
Nun gesegen dich got, du edler reben-safft!
Du gibst mir söllich mut und krafft,
Das ich mich doch vil weher dunck
Dann meiner neün, so ich wasser trunck,
Und machst auch, das ich frölicher gepar
Dann do mein vater lag auff der par.
Du machst, das ich mit frauen will schertzen
Mer dann ich vermag im hertzen.
So machstu, das ich mit zehen wil fechten,
Der ich ain nit zwung mit allen meinen mechten.
So machstu mich offt zu ainen solichen stumen,
Das nyemant vor meiner red hinzu kan kumen,
Wann ich supff dich lieber in mein haubt
Dann ain keßprüe, do ain krancker an gelaubt.
So pad ich auch mein zung lieber auß dir
Dann auß ainer guten wagen-schmir.
So will ich mein zen lieber in dir netzen
Dann solt mir ain alts weib irn hindern dran setzen.
Des liebstu mir ye lenger ye baß
Und wer dir veind sey oder gehaß,
Den wöllen wir für ain narren verkünden
Und wöllen im das har im ars anzünden.
|
Got gesegen dich du lieber reben safft
Du hast mir offt geben grosse krafft
Du machst das ich froͤlicher far
Dan(n) do mein vatter lag uff der bar
Und machest mich mit frauen schertze(n)
So es mir niergend ist am hertzen
Und machst das ich mit zehen wil faͤchten
Der ich kein fieng mit all mein knechten
Und machest mich offt zuͦ eine(m) stummen
Das niemand vor mir zuͦ red mag kummen
Ich sup dich lieber in mein haubt
Dan(n) ein kaͤßbruͤ do ein krancker an glaubt
Ich bad mein zungen lieber auß dir
Dan(n) auß einer guͦten wagen schmir
Mein zen wil ich lieber ausz dir netzen
Dan(n) solt mir ein alt weib den ars dran setzen
Du liebest mir ye lenger ye baß
Wer dir ist feind oder gehaß
Den wend wir für ein narn verkünden
Und wellen im(m)s hor im(m) ars anzünden
|
Gott gesegne dich du lieber rebensafft
Du hast mir offt geben grosse krafft
Du machst daß ich froͤlicher far
Dann do mein vatter lag auff der bar
Und machest mich mit frauwen schertzen
So es mir niergend ist im hertzen
Und machst das ich mit zehen wil fechten
Der ich kein fieng mit all mein knechten
Und machest mich offt zuͦ einem stummen [6]
Dz niemand vor mir zuͦ red mag kum(m)en
Ich supp dich lieber in mein haubt
Dan(n) ein kaͤßbruͤ da ein kra(n)cker an glaubt
Ich bad mein zungen lieber auß dier
Dann auß einer guͦten wagenschmier
Mein zaͤn wil ich lieber auß dir netzen
Dan(n) solt mir ein alt weyb de(n) ars dra(n) setze(n)
Du liebest mir ye lenger ye baß
Wer dir ist feind oder gehaß
Den wend wir für ein narrn verkünden
Und woͤllen im shaar im ars anzünden
|
Gott gruͤß dich lieber rebensafft
Du hast mir offt gebn grosse krafft
Du machst das ich froͤlicher war
Dann do mein vatter lag auff der bar
Und machest mich mit frauen schertzen
So es mir niergendt ist im hertzen
Machest das ich mit zehen wil fechten
Der ich kain fieng mit all mein knechten
Und machst mich offt zu einem stummen
Das keiner vor mir zu red mag kommen
Ich suͤff dich lieber in mein haupt
Dan(n) ein kaͤßsuppn da ein kranck an glaubt [6]
Ich bad mein zungen lieber auß dir
Dann auß einer guten wagen schmier
Mein zaͤn ich liebr auß dir wil netzen
Dann mir ein alt weib solt den arß dran \wetzn/
Du liebest mir je lenger je baß
Wer dir ist feind oder gehaß
Den woͤllen wir für ein narren verkͤndn
Und woͤllen ims haar im ars anzuͤndn
|